Numera 7:10 - Iaai Bible 1901 (New Caledonia)

¹⁰ Ke haba je than ödrin e ham bwihlany hnân okabâ taben hut hnyi bong adre me hû e hnyin, haba je than ödrin e hudo anyidrin hut hnyi hnyimakan taben hut.

Numera 7:10 Iomraidhean Croise

I. Je Than 8:63

Ke Solomona ame hudo me je hudiny ole, wale e ame hudo kö Iehova, me twente tu thauzan je bolok, ke wan haded ke twente thauzan je mamoe. Me haba than me lakon Isaraela hia adre me okabâ uma umö Iehova.

II. Man Ûlabainy Je Than. 7:5

Ke Solomona than ame hudo ie bolok a twente tu thauzan, ke wan haded ke twente thauzan je mamoe. Me haba than me tavat hia ödrin e okabâ uma umen Khong.

II. Man Ûlabainy Je Than. 7:9

Ke haba hnyi bong a eitiny, me ödrin e ânyâ ûkhacaköu ae ûnyi hnathu: ke ödrin e okabâ taben hut hnyi seven ta bong, me bijeû hnyi seven ta bong.

Nehemia 12:27

Ke haba hnyi hna okabâ hna up haginy Jerusalema, ödrin e elâm at Levi hnyi anyidrin je taun hia, he ka hum ödrin Jerusalema ai, he ka hnyi okabâ hak me senyin, me ole, me khumöng, ge je simebalo, me je nabeli, me je kitara.

Nehemia 12:43

Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

Salamo 30:1

IEHOVA lö, oge me he ka oganö u, anyin a a je hia but ogöranyi nya, Me ca hna je iwahnaihmiony mönya he ka manhic könya.

Numera 7:1

KE hnyi bong a um dö Mose otilâ uma mano, me hû me okabâ e, me je omjehen e hia, me taben hut me je utkaiainy hia, me hû me okabâ ta je ûnyi e;

Numera 7:11

Ke Iehova ame ha kö Mose, ka habe, Ame he je than ka ve hudo anyidrin je hut hnyi anyidrin bi je bong, hnân okâbâ taben hut.

Numera 7:84

Wale hnân okabâ taben hut, hnyi bong thaniny at Isaraela ame hû e hnyin: a twelv je mini sileva, ke twelv je kaia sileva, ke twelv je spun gol:

Numera 7:88

ke haba je bolok hia hnân hudiny ole, me twente foa je bolok, ke sikste je mamoe baga, ke sikste je got baga, ke sikste je nokon mamoe baga a khaca hunainy. Wale hnân okabâ taben hut hnyi hna hû e.

Deuteronomi 20:5

Ke hamen je taben he ka ha ka tavat, ka habe, Ewa at up uma a teb ûnyi ke tiga ca hia but delec? e so ame he at eling ka hmetuhmetu ka hnyi umen uma, wâ e nye mokcu hnen vat, me delec biju hnen ke at.