Numera 6:26 - Iaai Bible 1901 (New Caledonia)

²⁶ Ame he Iehova ka ogöranyâ hnyimakan hom, me ham köu ûsoköu.

Numera 6:26 Iomraidhean Croise

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Salamo 4:6

E hu tavat ae se hia adre me ha, ka habe, Ie at ame he ka omanenâ köta so? Iehova lö, ogöranyâ thö humun melaminy hnyimâkâm.

Salamo 42:5

Hanuk lö, ieû gam u me ilitmak? Ke ieû u me hmak gan eû hnyi hnyekuk? Lubahingen ju Khong: anyin oge me he ka oleâ kâu Ge möt ûnyi hnyi hnyimakan.

Salamo 44:3

Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

Salamo 89:15

Hnahic hnen hnyei a long ut hwan senyin: Iehova lö, adre me he hnyi melaminy hnyimâkâm.

Isaia 26:12

Iehova lö, u me he ka otilâ ûsoköu hobi kohmun: anyin a u je hia but ânyâ hobi kohmun anyihmun ta je huliwa hia thithö.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 20:26

Ke hwaban je bong a eit, e hmetu thö laten hnyin uma, ke Toma unyidrin. Adre hia but hlöng je hwanuma, me ame o Iesu me tot hnyi wanbödrin, me ha, ka habe, Hnahic köbun.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 2:28

U je hia but omanenâ könya je gethen deny möt; Ke u me he ka ounöngöti nya ge senyin hnyi hnyimâkâm.

Roma 15:13

E so e he Khongon geju ka ounöngöti öbun ge senyin me hnahic hnyi labageju, me me gan anyibun geju hnen man maniny Hanu Kap.

Roma 15:33

E so e unyibun hia thithö Khongon hnahic. Amen.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Efeso 6:23

E so e unyin je liamekeiny ûsoköu me ibetengiö, me labageju, ûnyi ge Khong a Kamen me Than Iesu Keriso.

Filipi 4:7

Ke haba ûsoköu ûnyi ge Khong ûnyi ae nua hon ta je ûnykûme hia, ame he ka tuö je hnyekubun me je ûnykûmenöbun hnyi Keriso Iesu.

II. Thesalonika. 3:16

Ke so ame he Than, a at ame tren ûsoköu ka ham köbun ûsoköu a e bala bi hnyi ta je hwakecin hia thithö. E so e unyibun hia thithö Than.