Numera 6:2 - Iaai Bible 1901 (New Caledonia)

² Ha thö ka lakon Isaraela me ha ködra, ka habe, Ame ne he ke baga ame ne momo ka hûkâlâ khöbi ae ûnyi hnathu, wale khöbi anyin at Nazeri, he ka okâbâ e bi kö Iehova:

Numera 6:2 Iomraidhean Croise

Esodo 33:16

Kʼ ame he ka kâmâu ka manen a u me betenge gak, walönya me lakem ang? Hawa, ca hnyi ûnyi ang a ötin e tha he, me ohmun e he ka ve bongon ràe ta je hnyei hia eang hmelen, a inya me lakem?

Ta je Vejec 18:1

HABA at ame ka hake laba, me ame elâm bi weny, Kʼ ame hmonyin ge metâ hia ae so.

Jeremia 35:6

Ke haingodra, ka habe, Ohmun e ca he ka ic waina, anyin a Jonadaba nöku Rekaba a kamöhmun ame hûna kohmun, ka habe, Ca he öbun ka ijem waina, öbun, me je mâtrânibun nyiele balua:

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Levitiko 27:2

Ha thö ka lakon Isaraela, me ba ködra, ka habe, E ka he ke at ka bi khöbi ae ûnyi hnathu, ame he ka hobi kö Iehova je hnyat hoton ûnyi ae ûcû köu.

Numera 30:3

Helâe minya ke momo ame ne bi khöbi kö Iehova, me ca hnyekon ge hwan hofuc, ke tiga e bi hnyi hnyaban kamen, ke tiga ca at hnathu;

Numera 6:1

KE Iehova ame ha kö Mose, ka habe,

Luka 1:15

Anyin a e ame he ka gan hnyi hnyimakan Than, e ame ca he ka ijem waina me grâg; ke e ame he ka unöngöt ge Hanu Kap ûnyi hnyi hnyekon hinyen.

Ta je huliwa 18:18

E se hia je bong ame tiga laba bala Paulo, me e ame ûhûne me je liamekeiny, me tabâ hu ûheny e Suria ai, ke tha e mē Perisila me Akula; ke adre me sö leûnen ban hnyi Kenikerea, anyin a anyin khöbi.

Roma 1:1

INYA Paulo athnyabai Iesu Keriso, adre me hawâ hnân aposetolo, kʼ adre ûca hobi kâu ûthumetu ae so anyin Khong,

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Galatia 1:15

Ke a manen dut weny Khong, waleji at ame ûcö nya ûnyi hnyi hnyekon hinyök, me hawo nya ûnyi ge anyin ibetengiö baû,

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

Owisa 13:14

E ame ca he ka an ke ûnyi ûnyi hnyi vine, ke e ame ca he ka ic waina me grâg, me han ke ûnyi ae kap; ke e ame he ka tuö ta je ûnyi hia oge me ha kâu.

Owisa 13:4

Ke walang ang, e so u me wâ wia bi, u me ca he ka ic waina me grâg, ke u me ca he bi ka han ûnyi ae kap:

Owisa 13:5

ke wâ bi, u me he ka erkin, me hnokoâ da, ke adre me ca he ka ip heleûgi hon ban, anyin ame he ka Nazeri ka Khong wanakat ûnyi hnyi hnyok: ke e ame he ka hwân he ka omelö at Isaraela ûnyi ge at Filisiti.

Owisa 16:17

Me e ame ha ka momo hnyekon hia, me ha kâu, ka habe, Adre tiga ca ip heleûge ka hnyi hon bök; anyin adre Onazeri nya ka Khong ûnyi hnyi hnyeku bai: ke adre ne giâ bök me ame he ka hia unyik tang hwegiök, me oge me he ka sënyin, helâ me ke at bi.

I. Samuela 1:28

Anyin a wale oge hia but hna minya e kö Iehova; adre hna kö Iehova hnyi ta je bonginy hia anyin möt. Me e ame khudrung kö Iehova eling.