Numera 6:12 - Iaai Bible 1901 (New Caledonia)

¹² Ke e ame he ka okabâ kö Iehova je bong e ame okabâ e hnyin, me hom nokon mamoe baga a khaca hunainy hnân hudiny monu: ke ame he ka ûnyi baû je bong a bân anyin ae kong ut hnen hna okabâ e.

Numera 6:12 Iomraidhean Croise

Esodo 12:5

Haba nokon mamoe hobi köbun ame he ka ba kongon, ke baga a khaca hunainy: öbun e he ka hom ûnyi hnyi je mamoe, ame ne je got:

Ezekiela 18:24

Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.

Levitiko 14:24

Ke ame he at bihut ka hom nokon mamoe hudiny monu, me loga wakaco, kʼ ame he at bihut ka hajijingâ hnân hudiny hajijing hnyi hnyimakö Iehova:

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 5:7

Ke ame ne ca khana he ka ham ke meno helâe can hulö e ame ânyâ, me hamen he ka hom hwaban kö Iehova, a lo li biny, ame ne li lakon meköta; hnân hudiny hulö khaca, ke hnân hudiny leû khaca.

Numera 6:11

kʼ ame he at bihut ka hudo khaca hnân hudiny hulö, ke khaca hnân hudiny leû, me me bi hwaban anyin möt, anyin a kong ut ge ûnyi ae mok, kʼ adre me he ka okabâ hmeto ban hnyi bong eling.

Numera 6:13

Ke walang hnanyibuiny at Nazari, e ka bekhöt ut je bong e ame okabâ e hnyin; adre me he ka hom e ka hnyi hwanumen uma ûkhacaköu:

Mataio 24:13

Ke haba at ame he ka tethmâ ke ne o but obiny, me e ame he ka möt.

Mataio 3:15

Ke Iesu ame thu me ha kâu, ka habe, Më kap ju walang ang: anyin ae ûcû köta he ka hnu hoton hia thithö hwakecin ae wisa. Me e ame long kâu.

Iakobo 2:10

Anyin a haba at ame he ka löng hoton je hnanyibu hia, kʼ ame hanyâûâ thibut khaca, me helâke a hanyâûâ hia but.

II. Ioane 1:8

Ō ʼbun aû, wâ e nye hia but gabun ta je ûnyi öhmun e hia but huliwan, ke so öbun e kap hwaban ae unöngöt.