Numera 5:7 - Iaai Bible 1901 (New Caledonia)

⁷ me hamödra he ka omanenâ anyidra hulö waleji adre me ânyâ: kʼ adre me he ka bi hwaban bekhötâ anyidra hulö, me bi hanen ke keihen a thabûnginy ka hnyin, me ham ka at waleji e ame monu kâu.

Numera 5:7 Iomraidhean Croise

Salamo 32:5

Oge me ogâ anyik monu köu, ke oge me ca ikhâlâ anyik hulo: Haingök, ka habe, Oge me he ka omanenâ kö Iehova hnok je hna hanyâûâ; Me u je hna degecâ anyik hulo ae gan. [Sela.

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Levitiko 26:40

Ke odrin e he ka ha manenâ hwakecidrin ae kong anyin je lakamödrin hnyi anyidrin monu adre monu könya, ke can minya odrin e hna degeci nya,

Levitiko 26:41

me inya oge me digic odrin, me hum odrin ka hnyi hnyei iny je iwahnaihmiony mödrin: ke ame ne he ka he je hnyekudrin adre ca peritomonâ ka hnyikânâ, kʼ odrin e kap hwaban hwakecidrin ae kong;

Levitiko 5:15

A ne he ke at ka ânyâ monu, ke ca khana, hnyi ta je ûnyi ae kap ga Iehova; me e ame he ka hom kö Iehova hudiny hulö, a mamoe baga ae ba hnyikongon ûnyi hnyi hnahat mamoe, hoton hnâm hna tuluto kâu je sekel sileva, helâ me sekeliny dok kap, hnân hudiny hulö:

Levitiko 5:16

ke e ame he ka bi hwaban hulö e ame ânyâ hnyi ûnyi ae kap, ke e ame he ka bi hanen ka hnyin ke keihen a thabûnginy, me ham e ka at bihut: ke ame he at bihut ka bi hwaban; anyin möt, ge mamoe baga hudiny hulö, kʼ adre me he ka hna e.

Levitiko 5:5

ke ame ne hulö but hnyi ke ûnyi eling, me e ame i he ka haimemenâ a ga hulö but hnyin e:

Levitiko 7:7

E ûcû thibi hudiny hulö me hudiny monu: khaca thibi hnanyibu hobi kâu li ûnyi e: haba at bihut ame bi hwaban möt kâu, me anyin bi e.

Numera 5:8

Ke ame ne ba ke liamekeiny mē at he ka ham hwaban monu kâu, me haba hwaban hulö adre bi hwaban kö Iehova ame he ka hobi kâu at bihut; ke ca ha bi mamoe baga hnân ûcû möt, wale hnân ûco anyin möt.

Luka 19:8

Ke haba Zakaio ame tot me ha ka Than, ka habe, Than lö, wâ ju, inya oge me ham ke keihen a hafiny anyik ta je ûnyi ka tavat ae theduoc; ke oge ne hia but hûgûnâ monoâ omjehen ke at, me oge me ibi ovak hmetu bi hwaban.

Josua 7:19

Ke haba Josua ame ha kö Akana, ka habe, Nokuk lö, ö u na he ka oganö Iehova Khongon at Isaraela, me haimemenâ kâu; ke ha könya walang ang ûnyi u je hia but ânyâ; ca he ka ikhâlâ gak.