Numera 4:23 - Iaai Bible 1901 (New Caledonia)

²³ hwân ge tavat a thöte huna me gan hon e ke ne o but fifte huna u ma he ka öû ödrin; a ödra hia adre me didro he ka hnyi huliwa me bi hanymen hnyi uma ûkhacaköu.

Numera 4:23 Iomraidhean Croise

I. Man Ûlabainy Je Than. 23:24

Wale laku Levi hoton je lap anyin lakamödrin, wale je ban je lap anyin je lakamen a tavat adre me aû me ha ûseidrin ke at me ke at, tavat ödrin e ânyâ huliwa me bi athnyaba hnyi uma umö Iehova, hwân ge hnyat a twente hunaidrin me gan hon e.

I. Man Ûlabainy Je Than. 23:27

Ke adre me aû laku Levi hwân ge tavat a twente hunaidrin me gan hon e, hoton hofuc a biliny ho Davita.

I. Man Ûlabainy Je Than. 23:3

Ke adre aû at Levi hwân ge tavat a thote huna me gan hon e: ke haba ûseidrin adre aû ke baga me ke baga, ödrin thote eit thauzan.

Numera 4:22

U me he ka aû minya laku Geresoma, hoton je hnyaban lakamödra, ke hoton anyidra je lap;

Numera 4:24

Walang je hanymen je lap anyi Geresoma he ka bi huliwa me hije hok:

Numera 4:3

hwân ge tavat a thöte huna me gan hon e ke ne o but fifte huna, tavat hia adre me hnyi vat, he ka ânyâ huliwa hnyi uma ûkhacaköu.

Numera 8:25

ke e ka fifte je hunaidra me adre me he ka bi obiny anyidra huliwa, kʼ adre me ca he hmetu ka hnyi huliwa;

I. Korinito 9:7

Ie ke at ame he ka vat me ka hamen bi he ka bi hwaban kâu? ie at ame belökâ hnyei vine, kʼame ca he ka hnyi ijem wan? ke ie at ame hān hnahat meno, kʼ ame ca he ka hnyi ijem debai ûnyi hnyin?

II. Korinito 6:7

me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me,

Galatia 5:17

Anyin a haba unyin ame ûö bi ûnyi me Hanu, ke haba Hanu ame ûö bi ûnyi me unyin; anyin a ödru li at ûö bi ûnyi köu ödru; waleling me öbun e ca ânyâ bi ûnyi ame webun.

Galatia 5:24

Ke haba ta je laten Keriso, me adre me osatauroâ unyin, me ta je weny e, me ta je weny ae ûjöng.

I. Timoteo 1:18

Nokuk lö, Timoteo, inya oge me ham köu hna hûna eang, hoton hna perofetö u a bân, me u me he ka vâtâ vat ae so hnyin e;

II. Timoteo 4:7

Oge hia but vâtâ vat ae so, oge hia but umo hna ûö logot, oge hia but kât hmâ bala labageju: