Numera 4:15 - Iaai Bible 1901 (New Caledonia)

¹⁵ Ke e ka hia but tube dok ae kap hnö Arona me lakon, me omjehen dok ae kap hia, anyin ame he ka he but tavat; haba hnyi ûen e me ame he ka o je laku Kohatha he ka sukhöûnâ: ke ca he ödra ka kâlâ ta je ûnyi ae kap, wâ ödra nye mokcu. Wale hanymen laku Kohatha hnyi uma ûkhacaköu.

Numera 4:15 Iomraidhean Croise

II. Samuela 15:24

Ke wâ bi, Zadoka minya me at Levi hia unyin, ödrin e vadren tangen ûhihinyköu anyin Khong; ke ödrin e ip tang tangen Khong, ke Abiathara ame ölö ke ne o but ame didrut tavat hia ûheny hnyi taun.

II. Samuela 6:13

Ke ame he hnyat vadren tang tangö Iehova, ke ödrin e he siks ta hna okca, me e ame hudo ke bolok me ke meno ae pipikhenya.

I. Je Than 8:3

Ke ame o hia but wahingatiny Isaraela, ke je at bihut ödrin e kap tang.

I. Man Ûlabainy Je Than. 15:15

Ke haba lakon at Levi ödrin e vadren tang tangen Khong hon je bajebenyidrin ge li venyâiny, helâ me hna huna hnö Mose hoton hofuc ho Iehova.

I. Man Ûlabainy Je Than. 15:2

Ke haingö Davita, ka habe, Ca hamen ke at he ka vadren tang tangen Khong, ke so thibi at Levi: anyin a Iehova ame hia but ucʼ ödrin he ka vadren tang tangen Khong, me huliwa kâu nyiele balua.

I. Man Ûlabainy Je Than. 23:26

me haba at Levi ödrin e ca he hmetu ka vadren uma mano me ta je omjeûiny hia hnân huliwan.

Esodo 19:12

Kʼ u me he ka si hnyi-göulen hnyei igigilö, me habe, Wâ eâu öbun ne he ka öliâ bucen, me kâlâ haten: haba at ama kâlâ bucen adre me he ka hlingâ:

Esodo 19:21

Ke haingö Iehova kö Mose, ha habe, Utut, he ka thawâ tavat wâ adre nye hanyâûâ he ka ö Iehova, me me mokcu tavat ae se hia gadra.

Esodo 27:7

Ke adre me he ka inâ li venyâ hnyi hnyin je otru, kʼ ame he ka hnen li venyâ hnyi li haten taben bihut, mʼ adre me vadren.

Levitiko 16:13

kʼ ame he ka auk ûnyi ae bo so hnân leû ka hnyi hon meic hnyi hnyimakö Iehova, me me he hai ûnyi hnyi ûnyi ae bo so ka oiyongâ taben ibetengiö hon ûnyi hnân ohnatho, wâ e nye mokcu:

Numera 1:50

ke u me he ka otilâ at Levi hnyi uma manoiny ohnatho, me hon omjehen hia, me ta je ûnyi hia a hanen: hamödra he ka sukhöûnâ uma mano, me je omjehen hia; ke hamödra he ka bi athnyaba hnyin, me laba igigilö uma mano.

Numera 1:51

Ke ödra ka he ka hom uma mano, me hamen at Levi he ka ai e: ke ödra ka he ka otilâ uma mano, me hamen at Levi he ka otilâ e: ke adre me he ka hlingâ atkanua at ame hakekenyâ e.

Numera 10:21

Ke ame hwân at Kohatha ka he, ödrin e kap tilâ ûnyi ae kap: ke haba keihen ödrin e otilâ uma mano hobi kâu ödrin ka o thö.

Numera 18:3

Ke ödrin e he ka tuö hanymâm, me hanymen hia hnyi Uma: ke so bi adre me ca he ka hakekenyâ je utkaiainy dok ae kap, me taben hut, mʼ adre me ca mok, mʼ öbun minya.

Numera 3:38

Ke haba tavat adre me he ka hunuma e deiö hnyi hnyimakan uma ûkhacaköu wale ame o seûno hnyin, me; Mose, me Arona, me je lakon, he ka tuö hanymen hnyi dok ae kap, a hanymen lakon Isaraela; ke adre me he ka hlingâ atkanyua at ame hakekenyâ e.

Numera 4:14

ke adre me he ka ip hon e je utkaia hia, wale adre me huliwa kâu, a je taben meic, me ie bâletiny hnân sēû utiö, me je soi, me je kaia, a je omjehen taben but hia; ke adre me he ka ulolo hon e tubwiny a unen takasa, me inâ li venyâiny.

Numera 4:19

ke walang ûnyi he ka ûnyâ ködra mʼ adre me möt, me ca mok hnyi ûen adre me hakekenyâ je ûnyi ae ti kap: haba Arona me lakon ödrin e he ka didro, me ve kû ködrin ta je hanymodrin, me hon ödrin je hok:

Numera 4:20

ke ödrin e ca he ka didro he ka hama dok ae kap, hnyi thuthubademak wâ ödrin nye mokcu.

Numera 7:9

Ke e ame ca ham bi ka laku Kohatha: anyin adre me huliwa eiö hnyi dok ae kap; kʼ adre me vadren hon je bajibenyidra.

Deuteronomi 31:9

Ke haba Mose ame sihnalimen hnanyibu eang me ham e ka hnyat bihut a laku Levi, tavat adre me vadren tangen ûhihinyköu anyi Iehova, me wahingatiny at Isaraela hia.

Josua 4:10

Anyin a haba hnyat bihut, wale hnyat vadren tang, me ödrin e tot hnyi wanben Joridano, ke ne o but adre umo hia waleji a hûna Iehova kö Josua he ka ha ka tavat, helâ me Mose ame hûna kö Josua: ke haba tavat adre me mweimwei me hanyâûâ.

I. Samuela 6:19

Ke e ame kot tavat hnyi Bethe-semes, can ödrin e selâdrâ hnyin tang tangö Iehova, e ame kot tavat a sevente, me fifte thauzan tavat: me ame tenge tavat anyin a Iehova ame kot tavat, ke e gan hmâ hna hlingʼ ödrin.