Numera 32:4 - Iaai Bible 1901 (New Caledonia)

⁴ wale hnyei Iehova ame kot hnyi hnyimakan ûkhacaköu anyin at Isaraela, me, wale hnyei ae ûcû hobi kâu omeno, ke ohmun tavat tren omeno a lathnyabaem.

Numera 32:4 Iomraidhean Croise

I. Man Ûlabainy Je Than. 4:41

Ke ame o but tavat adre sihnalimen je iödrin hnyi ûö Hezekia than Juda, me sö umödrin je uma mano, me kot at Maon adre wâ eling, me ti ohiʼ ödrin, ke ne o but hnyi bong ang, me laba je hnödrin: anyin ae hu an eling haledrin je meno.

Jeremia 50:19

Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Numera 21:24

Ke Isaraela ame kot e ge hele vat, me hûgûnâ iny hnyei hwân Arenona ke ne o but Jaboka, a ke ne o but je laku Amona: anyin ae hwege hnyigöulen je laku Amona.

Numera 21:34

Ke Iehova ame ha kö Mose, ka habe, U me ca he ka outen e: anyin a oge me hna e ka hnyi hnyamâm, me lakeiny hia me iny hnyei; ke u me he ka ânyâ kâu helâ me hnâm hna ânyâ kö Sihona tuhan at Amora, waleji ame laba hnyi Hesebona.

Numera 21:35

Me adre me kot e, me lakon, me lakeiny hia, ke ba kolon gadra: ke adre me labā iny hnyei.

Numera 32:5

Ke ödrin e ha, ka habe, U je ne betenge gahmun, ö u hna hnyei eling köhmun a lathnyabaem, me ihmun; ke ca hum ohmun bi he ka hanyâûâ Joridano.

Deuteronomi 4:38

he ka obâ hnyi hnyimâkâm je hnyei ae gan me hwege hom, me hum u he ka ham bi köu idra hnyei me me em, helâ me hüyi bong ang.