Numera 32:23 - Iaai Bible 1901 (New Caledonia)

²³ Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

Numera 32:23 Iomraidhean Croise

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Genese 4:7

U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

Genese 44:16

Ke Juda ame ha ka habe, Than lö, öhmun e he ka thu ieû? ke ieû öhmun e he ka ha? kʼ öhmun e he ka kâmâu hna haiwisai öhmun? A hia but Khong omanenâ konginy je lathnyabaem: wâ bi öhmun je hwenbâ anyin than, walʼ öhmun ang, me at minya adre wâ gan kaia.

II. Samuela 3:39

Ke iny sēnyin dut hnyi bong ang, eja ke ne adre me hia but hû nya hnân than; ke ti hmak könya li at ang a li laku Zeriua: e so Iehova ame he ka bi hwaban ka at a ânyâ hwakecin ae kong hoton anyin bi monu.

I. Je Than 2:32

Ke ame he Iehova ka ohmeto dren ka hnyi hon ban bi, anyin a e ame kot li at ae wisa me so hon, me hlingʼ ödru ge hele vat, ke ca khanö cica Davita, wale jia Abinera nöku Neri, taben vat anyin at Isaraela, me Amosa nöku Jether taben vat anyin at Juda.

I. Je Than 2:33

Ke ame he hmetu drödru ka mokut hon bö Joab me hon ban je mâtrâniny nyiele balua: ke ame he ka hu hnahic ûnyi ga Iehova nyiele balua kö Davita, me je mâtrâniny, me anyin lap, me anyin theron.

Salamo 139:11

Oge ne ha, ka habe, E hnathu ame he menekholom ka hûlûlûö nya, Kʼ ame he melam igigili nya ka lit;

Salamo 140:11

Ame ca be at ame ha monu ka tethmâ hnyi hnyei: Kʼ ame he hulo ka hnu at ûokonguny he ka hagutâ e.

Salamo 90:8

U je hia but ip anyihmun ta je monu hnyi hnyimâkâm, Me ta je monu gahmun ae iyong hnyi melaminy hnyimâkâm.

Ta je Vejec 13:21

Ame he hulo ka he hoton tavat ae kong: Ke adre me he ka bi hwaban so ka tavat ae wisa.

Ta je Vejec 24:16

Anyin ame oseven ta ju at ae wisa, kʼ ame tot hmetu: Ke ame he bi tavat ae monu ka hia hnen vec.

Ta je Vejec 5:22

Ame he ka hnok at ae kong hnen hwakecin bi ae kong, Ke adre me he ka noc e ge je toiny bi anyin hulo.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 59:12

Anyin ae se hia hnöhmun je hna hanyâûâ hnyi hnyimâkâm, ke ame hai öhmun anyihmun je hulo: anyin a e bi unyihmun hnöhmun je hna hanyâûâ, ke e khanʼ öhmun dut anyihmun ta je monu:

Jona 1:7

Ke ödrin e ûhaköuâ, ka habe, Otin a ugleköp, me me manen kötin can ia ame o ûnyi eang ae kong kötin. Me ödrin e ugleköp me ame hwâdâ kö Jona leköp.

Roma 2:9

kʼ ame he ka hlöuhlöu me vec ae gan hmâ hnyekon tavat hia adre me ânyâ hwakecin ae kong, a bân at Juda, me at Heleni minya ju:

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

Josua 7:18

ke e ame hom umen uma ke at me ke at; me ame kû Akana nöku Karemi, nöku Zabedi, nöku Zera, ûnyi hnyi tribu Juda.