Numera 32:13 - Iaai Bible 1901 (New Caledonia)

¹³ Ke ame ubâhlâ thö hmönyin anyi Iehova ka at Isaraela, me e ame ohei ödra hnyi hnyebuba fâte je huna ke ne o but ame hia but tavat adre me ânyâ hulö hnyi hnyimakö Iehova.

Numera 32:13 Iomraidhean Croise

Salamo 107:4

Adre me ngenu monu hnyi hnyebuba ae ba getheniny; Adre me ca wâ taun hnân labâ.

Salamo 78:33

Anyin a wale e ame ohia bongudra je bong hnyi ûnyi baû, Ke je hunaidra hnyi ot.

Salamo 95:10

Hyni ta je huna a fâte oge me wâ dö ang me iny vec gadrin, Me haingök dö, ka habe, Hnyei ang ame he monu ta je hnyekudra; Ke ca khanʼ ödra dek ta je gethen:

Esodo 16:35

Ke haba lakon Isaraela adre me han mana hnyi je huna a fâte, ke ne o but adre me o ka hnyi hnyei ae hu aten; adre me han mana ke ne o but adre me o but ka hnyi je hnyigöulen hnyei Kanana.

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Numera 14:32

Ke haba öbun, me ame he ka mok je unyibun hnyi hnyebuba eang.

I. Korinito 10:5

Ke ame ca senyin Khong ka tavat gadra ae se hia: anyin adre me hudrin ju hnyi hnyebuba.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:20

Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;