Numera 3:40 - Iaai Bible 1901 (New Caledonia)

⁴⁰ Ke Iehova ame ha kö Mose, ka habe, He thö ka aû obaga hia, a je atö unyin lakon Isaraela, hwân ge tavat a khaca tehi me gan hon e, me aû numerainy je iödra.

Numera 3:40 Iomraidhean Croise

Salamo 87:6

Ame he Iehova ka aû, e ka sihnalimen ta je hnyei, ka habe, Walang at adre me hnokoâ eling. [Sela.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Numera 3:12

Me wâ bi, haba inya oge hia but hom at Levi ûhedra unyin lakon Isaraela hnân bi hnen je atö wale a hodra lakon Isaraela ka hnokoâ: me hobi könya at Levi:

Numera 3:15

U me he ka aû je laku Levi hoton je hnyaban lakamödrin, me anyidrin je lap: u me he ka aû obaga hia, hwân ge tavat a khaca tehi me gan hon e.

Numera 3:41

Ke u me he ka hom at Levi hobi könya, (Inya Iehova) hnân bi hwaban je atö hia unyin lakon Isaraela; me omeno haleny at Levi, hnân bi hwaban omeno hia a bân haleny lakon Isaraela.

Numera 3:45

U me he ka hom at Levi hnân bi hwaban je atö hia unyin Lakon Isaraela, me omeno haleny at Levi, hnân bi hwaban haledra omeno: kʼ ame he ka hobi könya at Levi; Inya Iehova.

Luka 10:20

Ke ca senyin bi ge hna ling öbun hnen ta je hanu; ke senyin dö ge hna sihnalimen je iöbun ethö hnyi drany.

Filipi 4:3

Eke, oge me sumatö u minya at ame hadruo nya hnathu nya, ka habe, hom hadruâ thö omomo tavat adre me tha huliwa mönya hnyi ûthumetu ae so, me jia Kelemene minya, me keihen tavat adre me tha huliwa mönya, a eû hnyi tusiny möt je iödra.

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

Heberu 12:23

ke ka hnyi ûkhacaköu ae bekhöt, ke ekalesiainy watö wale adre me sihnalimi ʼdra hnyi drany, ke ka Khong At owisa tavat hia, me ka ta je hanon tavat ae wisa hwakecidra adre obekhötâ,

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.

Hna Omanenâ 3:5

Haba at ame ton, me adre me he bi ka okhaûâ helâe ge je ûkhaû ae hau; ke oge me ca he ka kot degecâ ien hnyi tusiny möt, ke oge me he ka ha ien hnyi hnyimakö Cica, ke hnyi hnyimakan anyin ta je angela.