Numera 29:1 - Iaai Bible 1901 (New Caledonia)

¹ KE haba hnyi tehi a seveniny hnyi bong a baniny tehi, me öbun e he ka hu ûkhacaköu ae kap; kʼ öbun e ca he ka ânyâ ke huliwa ae hmak: wale bong öbun e he ka tûö je trutru hnyin.

Numera 29:1 Iomraidhean Croise

I. Man Ûlabainy Je Than. 15:28

Ke haba at Isaraela hia ödrin e hom tangen ûhihinyköu anyi Iehova, me kuku tot, me tûö sofara, me je trutru, me simebalo, ödrin e ofucâ ta je nabeli me kitara.

Ezera 3:6

Ödrin e ibi hwân he ka hudo je hudiny leû kö Iehova hnyi bong a bâniny tehi a seveniny: kʼ ödra tiga ca umo bi taben uma umo Iehova.

Nehemia 7:73

Ke haba tavat bihut, me at Levi, me tavat tuö hwanuma, me tavat khumöng, me keihen tavat, me at Nethini, me at Isaraela hia, me, ödrin e ve labâ anyidrin je taun. Ke ame o but tehi a seveniny, me haba at Isaraela ödrin e laba hnyi anyidrin ta je taun.

Nehemia 8:2

Me haba Ezera at bihut ame hom hnanyibu ka hnyi hnyimakan ûkhacaköu obaga me omomo, me tavat hia ae khanʼ ödra he ka lönghma-khmeto, hnyi bong a bâniny tehi a seveniny.

Salamo 81:3

Tûâ thö trutru hnyi ûlabainy tehi, Hnyi tehi a bekhot hnyi bongon anyita bijeû ae ûnyi hnathu.

Salamo 89:15

Hnahic hnen hnyei a long ut hwan senyin: Iehova lö, adre me he hnyi melaminy hnyimâkâm.

Esodo 23:16

me bijeuâ hna meno, ta je wan a bân hnyi ânyâm huliwa, wale u je ta hnyi hnyei: me bijeû adre meno hnyi obiny huna, ûen u je um dö meno hnâm hna huliwan hnyi hnyei.

Esodo 34:22

Ke u me he ka ânyâ bijeû anyin je wik, wale je wan hwit a bân adre meno, me bijeûiny menu hnyi obiny huna.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Levitiko 23:23

Ke Iehova ame ha kö Mose, ka habe,

Levitiko 23:7

Hnyi bong a bân öbun e he ka hu ûkhacaköu ae kap: ûbun e ca he ka ânyâ huliwa ae hmak.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.

Numera 28:26

Helâe minya hnyi bong bongon je wan a bân, öbun ka he ka hudo hudiny han ae teb ûnyi kö Iehova, hnyi anyibun bijeuâ je wik, me öbun e he ka hu ûkhacaköu ae kap; kʼ öbun e ca he ka ânyâ huliwa ae hmak:

Numera 29:12

Ke haba hnyi bong a fiftininy tehi a seveniny, me öbun e he ka hu ûkhacaköu ae kap; ke ca he öbun ka ânyâ huliwa ae hmak, kʼ öbun e he ka bijeûâ kö Iehova seven ta bong:

Numera 29:2

Ke öbun e he ka hudo hudiny leû ae bo so kö Iehova; a khaca nak bolok, ke khaca mamoe baga, ke seven lakon mamoe baga ae ba hnyikongon a khaca hunainy:

Numera 29:35

Ke haba hnyi bong a eitiny, me öbun e he ka hu ûkhacaköu ae ûnyi hnathu, öbun e ca he ka ânyâ ke huliwa ae hmak: