Numera 28:9 - Iaai Bible 1901 (New Caledonia)

⁹ Ke haba hnyi bong sabath, me lo li nokon mamoe baga ae ba hnyikongon a khaca hunainy, ke lo li omer salawa hnân hudiny han adre ûhaniken me wakaco, me hudiny ic a hanen:

Numera 28:9 Iomraidhean Croise

II. Je Than 4:23

Me haingen, ka habe, Anyin a ieû u me he kâu hnyi bong ang? ke ca teb ûnyi tehi me sabath ang. Me haingen momo, ka habe, ame he ka so.

II. Man Ûlabainy Je Than. 2:3

Ke haba Solomona ame ukhûnöng kö Hirama thaniny Turo, he ka ha, ka habe, U me he ka ânyâ könya, helâ me hnâm hna ânyâ kö cica Davita, me hmâ kân je arasi hnân op umen uma hnân laba hnyin.

II. Man Ûlabainy Je Than. 2:4

Wâ bi, inya oge me op uma hobi kâu iö Iehova Khonguk, he ka okabâ kâu, me he ka leû utö ae bo so hnyi hnyimakan, me hnân hobi kâu bala thibut areto hnân omanenâ me je hudiny leû hnyi je hnyomakatu me sahac, hnyi je sabath, me je tehi ae teb ûnyi, me je bijeû adre thu anyi Iehova Khonguhmun. Wale hna otilâ ka at Isaraela nyiele balua.

II. Man Ûlabainy Je Than. 8:13

kʼ ame bi hanymen adre me thu hnyi ke bong me ke bong, kʼ ame hudo hoton hnanyibu anyi Mose, hnyi je sabath, me je tehi a teb ûnyi, me hnyi je bijeû adre me thu, wale kun hnyi huna, wale bijeûiny areto adre me ca levenâ, me bijeûiny je wik, me bijeûiny uma hunuma.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Ezekiela 20:12

Ke oge me ham minya kodra anyik je sabath, hnân haten könya mödra, me me khanʼ ödra a inya Iehova at ame okabi ödra.

Ezekiela 46:4

Ke haba hudiny leû ame he than ka hom kö Iehova hnyi bong sabath, me siks ta nokon mamoe ae ba hnyikongon ke khaca mamoe baga ae ba hnyikongon;

Numera 28:10

haba ûnyi e me hudiny leû hnyi ta je sabath hia, ke ca ha bi hudiny leû hnyi ta ogo bong, ke hudiny ic a hanen.

Numera 28:8

Ke haba nokon mamoe a loiny me u me he ka hudo hnyi sahac: helâ me hudiny han hnyi hnyomakatu u me he ka hudo e, ke helâe hudiny ic, me hut a an ge meic ae bo so kö Iehova.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,