Numera 28:3 - Iaai Bible 1901 (New Caledonia)

³ Ke u me he ka ha ködra, ka habe, Walang hut a an ge meic öbun e he ka hudo kö Iehova; a je lakon mamoe baga a khaca hunainy ae ba hnyikongon, ûse lo hnyi ke bong me ke bong, hnân hudiny leû hnyi ta ogo bong hia.

Numera 28:3 Iomraidhean Croise

I. Man Ûlabainy Je Than. 16:40

he ka hudo je hudiny leû bala kö Iehova hon taben hut hnyi hnyomakatu me sahac, hoton hna sihnalimen hia hnyi hnanyibu anyi Iehova, waleji e ame hûna ka Isaraela;

II. Man Ûlabainy Je Than. 8:13

kʼ ame bi hanymen adre me thu hnyi ke bong me ke bong, kʼ ame hudo hoton hnanyibu anyi Mose, hnyi je sabath, me je tehi a teb ûnyi, me hnyi je bijeû adre me thu, wale kun hnyi huna, wale bijeûiny areto adre me ca levenâ, me bijeûiny je wik, me bijeûiny uma hunuma.

Ezera 3:5

ke hwaban e, e bala bi hudiny leû, me je tehi a teb ûnyi, me je bijeû ae kap adre thu anyi Iehova hia, me je hut adre ka hamödra hudo kö Iehova.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Daniela 12:11

Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.

Daniela 8:11

Eke, e ame ka ogânâ e ke ne o but ka hnyi taben je utbavat; kʼ ame hûgûnâ gan hudiny leû adre labö hudo bala, kʼame hagutâ but hnen e, a dok ae kap.

Daniela 8:13

Ke inya oge me löng ke at ae kap ame fuc; ke ame fuc minya ke at ae kap ka at eji a bân ka fuc, ka habe, Ke ne o but kehö hna omanenâ ge hudiny leû adre me hudo bala, ke hna hanyâûâ wale at ame öba wan, a gʼ adre hna dok ae kap me utbavat minya, mʼ adre me uto ju?

Levitiko 3:5

Kʼ ame he laku Arona ka le ûnyi e hon taben bi hut, hon hut hnân le hnyi hna hû meic: wale hut a an hnen meic, ae bo so kö Iehova.

Levitiko 6:9

Ha thö kö Arona me lakon, ka habe, Walang hnanyibuiny hudiny leû: wale hut adre le, ame he ka mokut hon hna hû meic, hnyi hnyinghet hia ke ne o but hnyomakatu; kʼ ame he ka möt meic hon taben hut.

Amosa 4:4

Ai öbun Beth-ela ai, me ânyâ monu; ke Gilegala ai, me osehia hnobun je hna hanyâûâ; ke hom anyibun je hut hnyi je hnyomakatu, ke anyibun je ke keihen a libenyitainy hwaban ta bong a kun hia;

Numera 28:10

haba ûnyi e me hudiny leû hnyi ta je sabath hia, ke ca ha bi hudiny leû hnyi ta ogo bong, ke hudiny ic a hanen.

Numera 28:15

Ke khaca got baga hnân hudiny hulö, he ka hudo kö Iehova; ke ca ha bi hudiny leû adre hudo bala, me hudiny ic a hanen e.

Numera 28:23

Öbun e he ka hudo e, a tha e me hudiny leû adre hudo hnyi hnyomakatu a hudiny leû ae hmâ bala.

Numera 28:24

Ke öbun e be ka hudo helâe hnyi je bong a seven, wale han he ka bi hanen hut a an ge meic kʼ ame bo so kö Iehova: adre me he ka hudo e a tha e me hudiny leû ae hmâ, me hudiny ic a hanen.

Numera 28:31

Öbun e he ka hudo e a tha e me hudiny leû ae hmâ, me hudiny han a hanen (a je meno ae ba hnyikongon) tha e me je hudiny ic a hanen e.

Numera 28:4

U me he ka hudo ke nokon mamoe hnyi hnyomakatu, ke u me he ka hudo ke nokon mamoe hnyi sahac;

Numera 29:11

ke khaca got baga hnân hudiny hulö; ke ca ha bi hudiny hulö hnân bi hwaban möt, me hudiny leû ae hmâ, me hudiny han a haniny, a tha e me je hudiny ic.

Numera 29:16

ke khaca got baga hnân hudiny hulö; ke ca ha bi hudiny leû ae hmâ, me hanen a hudiny han, me hudiny ic.

Numera 29:6

ke adre me he ka ânyâ minya hudiny leû hnyi ûen ae manen je tehi, me hudiny han a hanen e, me hudiny leû ae hmâ, ke hudiny han a hanen, tha e me je hudiny ic, hoton hna hûna, hnân bo so, a hut a an ge meic kö Iehova.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Heberu 9:6

Ke a hia but penapena helâe ta je ûnyi e, me ame dit bala thö tavat bihut ka hnyi uma menâ a bân, he ka mâdrâ je huliwa;

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.