Numera 28:2 - Iaai Bible 1901 (New Caledonia)

² Hûna thö ka lakon Isaraela me ha ködra, ka habe, Haba hut könya, wale jeû hobi kâu je hut a an hnen meic me me bo so könya, me wale ûnyi öbun e he ka tuö he ka hudo könya hnyi je ûen adre thu.

Numera 28:2 Iomraidhean Croise

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

I. Man Ûlabainy Je Than. 23:31

me he ka hudo kö Iehova ta je hut hia, hnyi je sabath, me je tehi ae teb ûnyi, me hnyi je bijeû adre thu, hoton ûseiny helâe thibut hna owisa gadrin hnyi hnyimakö Iehova bala:

II. Man Ûlabainy Je Than. 23:18

Ke haba Jehoiada ame khenâ huliwainy uma umö Iehova ka tavat bihut a at Levi, waleji Davita ame ve ip hnyi uma umö Iehova he ka hudo je hudiny leû kö Iehova, helâ me hna sihnalimen hnyi tusiny hnanyibu anyi Mose, adre me senyin me khumöng, helâ me Davita ame hûna.

II. Man Ûlabainy Je Than. 31:3

Ke e ame otilâ minya jekhon than ûnyi hnyi anyin ta je ûnyi, hobi kâu je hudiny leû, wale hobi kâu je hudiny leû hnyi hnyomakatu me sahac, me je hudiny leû hnyi je sabath, me hobi kâu je tehi ae teb ûnyi, me je bijeû adre me thu, helâ me hna sihnalimen hnyi hnanyibu anyi Iehova.

Ezera 3:2

Me ame todrö Jesua nöku Jozadaka me je liamekeiny mē a tavat bihut, me Zerubabela nöku Sealetiela, me je liamekeiny mē, me otilâ taben hut anyin Khongon Isaraela, hnân hudo je hudiny leû hon e, helâ me hna sihnalimen hnyi hnanyibu anyi Mose aten Khong.

Ezera 3:3

Ke ödrin e otilâ taben hut hnyi ka hnen bi; anyin a ödrin e outen tavat aten je hnyei: me ödrin e hudo hon e je hudiny leû kö Iehova, je hudiny leû hnyi hnyomakatu me sahac.

Nehemia 10:34

Ke öhmun e ugleköbâ, wale tavat bihut, me at Levi, me tavat, ûnyi ge hudiny uto he ka hom ka hnyi uma umen Khongutin, hoton je lap anyin lakamöhmun, hnyi je ûen adre me thu, hnyi ke huna me ke huna, hnân le hon taben hut kö Iehova Khongutin, helâ me hna sihnalimen hnyi hnanyibu:

Salamo 81:3

Tûâ thö trutru hnyi ûlabainy tehi, Hnyi tehi a bekhot hnyi bongon anyita bijeû ae ûnyi hnathu.

Esodo 23:15

U me he ka bijeûâ areto adre ca levenâ bi: seven ta bong u me he ka han areto adre ca levenâ, helâ me hnök hna hûna köu, hnyi ûen adre thu, hnyi tehi Abiba (anyin a u je he but ûhem Aigupito hnyi tehi eling); ke ca he ke at ka manen hnyi hnyimakök ke ba ûnyi:

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Ezekiela 16:19

Ke haba jeû oge me ham köu, wale falawa me wakaco me hani, waleji oge me ham me âm, me u je ip hnyi hnyimaködrin, me hnân bo so, ke e hnathu e; haingen Than Iehova.

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Ezekiela 45:17

Ke hamen than he ka ham je hudiny leû, me je hudiny han, me je hudiny ic, hnyi je bijeû, ke hnyi ûen bi a manen hnyin je tehi, ke hnyi je sabath, ke hnyi je bijeû hia adre thu anyin lap Isaraela: e ame he ka penapena hudiny hulo, ke hudiny han, ke hudiny leû, ke ta je hudiny ole, hnân he ka bi hwaban melen lap anyi Isaraela.

Levitiko 1:13

ke haba tang tiny me je can e ame he ka hneû hnyi köiö: kʼ ame he at bihut ka hudo hia thithö, me le hon taben hut; wale hut adre le, hut a an ge meic, ûnyi ae bo so kö Iehova.

Levitiko 1:17

ke e ame he ka kia e hnyi li bajebenyin, kʼ ame ca he ka kia luâ: kʼ ame he at bihut ka le hon taben hut, wale hon hna meic: haba e me hut adre le, hut a an hnen meic ae bo so kö Iehova.

Levitiko 1:9

ke haba tang tiny me je can, e ame he ka hneû hnyi köiö: kʼ ame he at bihut ka tha le hia hon taben hut, me me hut adre le, hut a an hnen meic, ûnyi ae bo so kö Iehova.

Levitiko 21:6

Odrin hnyat ae kap ka Khongudrin, ke odrin e ca he ka okongoâ ien Khongudrin: anyin a odrin e hudo je hut a an hnen meic kö Iehova, a an Khongudrin: anyin a wale odrin e he ka kap.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

Levitiko 3:11

Kʼ ame he at bihut ka le hon taben hut: wale jeûiny hut a an ge meic kö Iehova.

Malaki 1:12

Ke öbun e okongoâ e, anyin a öbun e ha, ka habe, E kong ut laulau anyi Iehova, ke ikiki je wan ke jeû hon e.

Malaki 1:7

Anyin a öbun e hudo areto ae kong hon anyik taben hut. Ke haingöbun, ka habe, Ieû ohmun e okongu u hnyin? Anyin öbun e ha, ka habe, Haba laulau anyi Iehova, me ûnyi hnân hûkötiâ.

Numera 15:24

haba hnyi ûen e, adre me ne ânyâ haûâ, ke ca khana bi hnen ûkhacaköu, me hamen ûkhacaköu hia he ka hudo ke nak bolok hnân hudiny leû ae bo so kö Iehova, tha e me hudiny han, me hudiny ic, hoton tulut, me nokon minya got a khaca hnân hudiny hulö.

Numera 15:3

ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Numera 15:7

ke u me he ka hudo tap waina wale ke keihen a kuniny hin hnân hudiny ic ae bo so kö Iehova.

Numera 28:1

KE haba Iehova ame ha kö Mose, ki habe,

Numera 29:39

Öbun e he ka hudo eling kö Iehova hnyi anyibun je bijeû adre thu, ke ca ha bi anyibun je khöbi, me je hut ae betenge hnân je hudiny leû, me je hudiny han, me je hudiny ic, me je hudiny ole öbun e labö hudo.

Numera 9:13

Ke haba at ae bo so, kʼ ame ca hnyi he but, kʼ ame ca hnyi hanen paseka, me adre me he ka subâ degecâ at eling ûnyi hnyi iny hnyei: anyin a e ame ca hom hut kö Iehova hnyi ûen adre thu, kʼ ame he ka takoû at eling hnen anyin hulö.

Numera 9:7

ke haba hnyat eling ödrin e ha kâu, ka habe, Öhmun e bo kong ut ûnyi ge komok: ieû gadra adre me ovheli ohmun, mʼ ohmun e ca he ka hnyi hudo hut kö Iehova hnyi ûen adre thu, tha ohmun me lakon Isaraela;

II. Korinito 2:15

Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango;

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.