Numera 25:3 - Iaai Bible 1901 (New Caledonia)

³ Ke haba at Isaraela adre me ûkhacaköu unyi Baala-peora: me ame ubâhlâ thö hmönyin anyi Iehova ka at Isaraela.

Numera 25:3 Iomraidhean Croise

Salamo 90:11

Ie at ame wâhmakhmetoâ hwegien hmonyin gam, Me ânyâm wathethot, hoton hna outö u hnyi tulut ae ûcû köu?

Jeremia 17:4

Ke haba u, u me ka he ka hamâm bi degec em hnyei waleji oge? ham köu; ke oge me he ka kunö u he ka bi athnyaba ka je iwahnaihmiony möu, hnyi hnyei ae ca khanö u: anyin a öbun e hia but hû meic eû hnyi hnyekuk, ke ame he bala bi ka möt.

Hosea 4:14

Ke oge me ca he ka bi hwaban ka lakubun wahlu can hnödra hna bi ûnyi monu, ke laöiöbun can hnödra hna venöu; kʼ adre me ka tha he me hnyat venöu, kʼ adre me tha bi hut me omomo hnyi gethen: ke haba hnyei ame ca wâhmakhmeto, me adre me he ka öta e.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Numera 25:5

Ke haba Mose ame ha ka tavat owisa unyin at Isaraela, ka habe, He thʼ öbun ka ve hlingâ tavat unyibun adre me tha ödra me Baala-peora.

Numera 31:16

Wâ bi walödrin e hnyat ödrin e bijoniny lakon Isaraela, me me hna degeci Iehova hnyi ûnyi eji anyi Peora, hnen ûne anyi Balaama, me me o mok ae cap ka hnyi ûkhacaköu anyi Iehova.

Josua 22:17

Hawa, e ti ûhnyûkong köta hulö hnyi Peora, wale ate me tiga ca obosoi öta hnyin ke ne o but hnyi bong ang, eja ke ne a ne hia but o mok ae cap ka hnyi hon ûkhacaköu anyi Iehova,

Owisa 2:11

Ke haba lakon Isaraela ödrin e ânyâ ûnyi ae kong hnyi hnyimakö Iehova, me bi athnyabainy je Baala:

Owisa 2:13

Ke ödrin e hna degeci Iehova, me bi athnyaba ka Baala, me Aseira.

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 2:20

Me ame ubâhlâ thö hmonyin anyi Iehova ka at Isaraela; me e ame ha, ka habe, anyin a hia but tavat eang hanyâûâ anyik ûhi-hinyköu, waleji oge me hûna ka lakamödrin, me ca long hok hofuc;