Numera 25:2 - Iaai Bible 1901 (New Caledonia)

² anyin adre hawâ tavat he ka hnyi bi hut ka anyidra je khong; ke haba tavat adre me hnyi han me khudrung ka anyidra je khong.

Numera 25:2 Iomraidhean Croise

I. Je Than 19:18

Ke so bi oge me he ka hna biju gak hnyi Isaraela seven thauzan tavat adre me ca cibouca kö Baala, me je hnyem hia adre ca ûcimhnyimak më.

Salamo 106:28

Me adre me ûkhacaköu kö Baala-peora, Me an ta je hut ka ta je komok.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Esodo 22:20

Adre me he ka ti ohia at ame bi hut ka ke khong, ke ca kö Iehova.

Esodo 23:24

U ca he ka khudrung ka ta je khongundrin, me bi athnyaba ködrin, me ânyâ helâ me anyidrin huliwa: ke so bi u me he ka hagutʼ ödrin, me kot omomono anyidrin je veto ame tot.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

I. Korinito 10:20

Ke oge me ha, ka habe, haba ta je ûnyi ame hudo Aten ta je hnyei, adre me hudo ka ta je demoni, ke ca bi ka Khong: ke ca wek e me tha öbun me ta je demoni.

Deuteronomi 32:38

At ame an pipikhenyainy anyidrin je hut, Me ijem wainainy je hudiny anyidrin ic? E so ödrin e köûö me hadruʼ öbun, Me bi hnabâ hnân hobi köbun.

Josua 22:17

Hawa, e ti ûhnyûkong köta hulö hnyi Peora, wale ate me tiga ca obosoi öta hnyin ke ne o but hnyi bong ang, eja ke ne a ne hia but o mok ae cap ka hnyi hon ûkhacaköu anyi Iehova,

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.

Josua 23:7

mʼ öbun e ca he bi ka laba unyin je hnyei eling, wale je kolon unyibun, me ca ha ien anyidrin je khong, me khemanyinâ, me huliwa ködrin, me khudrung ködrin:

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.