Numera 25:1 - Iaai Bible 1901 (New Caledonia)

¹ KE haba at Isaraela adre me labā Sitima, ke ame hwân tavat he ka bi unyi monu me omomoiny Moaba:

Numera 25:1 Iomraidhean Croise

II. Je Than 23:7

Ke e ame thö hnyikânâi je uma umen tavat adre me hwen Sodoma wale hnyi uma umo Iehova, a hwâwâ hnyin je mano singiny Aseira hnen omomo.

Salamo 106:28

Me adre me ûkhacaköu kö Baala-peora, Me an ta je hut ka ta je komok.

Esodo 22:19

Adre me he ka hlingâ at ame tha mokut me meno.

Esodo 34:15

wâ u nye he ka ûhihinyköu me tavat adre me labâ hnyei, kʼ adre me bi ûnyi monu me anyidra je khong, me bi hut ka anyidra je khong, kʼ ame ne he at ka hao u, me u me he ka hnyi an anyin hut;

At Khet 7:26

ke oge me wâ ke ûnyi ae hiny hon mok, wale momo a haba hnyekon bi me je hnewe me je ert, ke je ûnyi hnân ûce at li hnyamen: haba at ae so hnyi hnyimakan Khong, me ame he ka kec gan; ke ame he ka hnok at ae kong gan.

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Numera 25:17

Ovecâ at Midiana, me kuc ödra:

Numera 31:2

U me he ka bi hwaban at Midiana can lakon Isaraela: ke hwaban e, me adre me he ka tha hum u ka lakâmâm.

Numera 33:49

Ke adre me hunuma hnyi Joridano, hwân Beth-jesimoth ke ne o but Abela-sitima hnyi dok ae tha hon hnyi Moaba.

Numera 7:15

ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû;

I. Korinito 10:8

Ke ca he minya öta ka bi ûnyi monu, helâ me keihen gadra ame ânyâ, me ame mokcu twente theri thauzan hnyi bong a khaca.

Deuteronomi 3:29

Me ate me laba hnyi hnyigöulen bucen a e cicö Bethe-peora.

Deuteronomi 32:38

At ame an pipikhenyainy anyidrin je hut, Me ijem wainainy je hudiny anyidrin ic? E so ödrin e köûö me hadruʼ öbun, Me bi hnabâ hnân hobi köbun.

Deuteronomi 4:3

Öbun e hia but wâ ge je emaköbun ûnyi a ânyâ Iehova can Baala-peora: anyin a haba tavat hia adre me hnu hoton Baal-peora, me Iehova Khongom ame hia but ohiʼ ödra unyâm.

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Josua 22:17

Hawa, e ti ûhnyûkong köta hulö hnyi Peora, wale ate me tiga ca obosoi öta hnyin ke ne o but hnyi bong ang, eja ke ne a ne hia but o mok ae cap ka hnyi hon ûkhacaköu anyi Iehova,

Josua 3:1

KE Josua ame vesâkong, kʼ adre me he ûheny Sitima me he hnyi Joridano, a e me lakon Isaraela hia thithö; ke adre me mokut eling kʼ ödra tiga ca hanyâûâ.

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.