Numera 24:9 - Iaai Bible 1901 (New Caledonia)

⁹ E ame cibouca, helâ me man liona, Ke helâ me liona momo; ie at ame he ka bwebwelâ? Ame he ka hnahic at ame hahnahici u, Kʼ adre me he ka hangâ at ame hangö u.

Numera 24:9 Iomraidhean Croise

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 27:29

E so ame he tavat ka hulwa köu, Me ta je hnyei he ka nom ju köu: U me he ka thaniny je liamekeiny möu, Ke ame he je lakon hinyâm ka nom ju köu: Ame he ka hangâ but at ame hangö u, Kʼ ame he ka hnahic ut at ame hahna hici u.

Genese 49:9

Haba Juda me nokon liona; U me he, nökuk, ûhem hnyi hanem: Kʼ ame mokut me iâû helâ me liona, Helâ me liona momo; ia ame he ka bwebwelâ e?

I. Je Than 10:20

Ke twelv je liona ame tot eling hnyi li ke keihen je deo hna okca a siks: ke ba ûnyi helâe adre me ânyâ hnyi je dökhu hia thithö.

II. Man Ûlabainy Je Than. 9:18

Ke e hu wacûat hnân ölö ka hnyi theron siks je utoiny wacûat, me taben can a gol adre me ohmâ ka hnyi theron, ke e hu ci hnyi li ke keihen hnyi hna lap, ke lo li liona ame tot hnyi li ci.

Esetera 6:13

Ke Hamana ame thumetu Zeres a âiân me je lahanen hia ge ta je ûnyi hia a o kâu. Ke ame ha kâu hnen tavat unyin ae metâ me Zeres a âiân, ka habe, Ame ne at Juda Modikai waleji u je hwân he ka ta hnyi hnyimakan, u me ca he ka hwege hon, ke u me he bala bi ka ta hnyi hnyimakan.

Jobu 41:10

E ba at ae hwege hnyekon me me bwebwelâ e: Awe, ewa at ae khana tot hnyi hnyi makök?

Salamo 122:6

Hic ju, me me hnahic Jerusalema: Ame he ka hu sot ka tavat adre me hnyok köu.

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Esodo 23:22

Ke u ka he ka löng hoton hwan hofuc, me ânyâ hia hnök hna ha; me oge me he ka iwahnaihmiony me je iwahnaihmiony möu, me ivinö me at ame ivinö möu.

Isaia 31:4

Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Numera 22:12

Ke haba Khong ame ha kö Balaama, ka habe, U me ca he ka tha he mödrin: u me ca he ka hangâ tavat eling: anyin adre hahnahici ödra.

Numera 22:6

ö u he but jem me hangâ tavat eling hobi könya; anyin a ödra hwege huk: me ame ne khanö nya la he ka kuc ödra, me hnu ödra ûnyi hnyi hnyei: anyin ae khanö nya a haba at u me hahnahicâ me ame hnahic bi; ke haba at u me hangâ me ame hnaûhangö.

Numera 23:24

Wa bi, ame tot tavat helâ me liona momo, Kʼ ame höihöi thö helâ me liona baga: Kʼ ame ca he ka mokut ke ne o but e ame an haniny, Me ijem dren at adre hlingâ.

Numera 24:10

Me ame ubâhlâ hmönyin anyi Balaka kö Balaama, me e ame khâukhâu li hnyamen: ke Balaka ame ha kö Balaama, ka habe, Oge hawo u he ka hangâ je iwahnaihmiony mönya, ke wâ bi u je okun hahnahici ödra.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:45

Me e ame he ka thu kodra, me ha, ka habe, E hnathu inya oge me ha köbun, ka habe, Habaji ge hnobun hna ca ânyâ ka ke at gadra ae ûhnyûkong hmonyin, me öbun e ca ânyâ minya ling könya.

Ta je huliwa 9:5

Ke haingen, ka habe, U ia Than? Me e ame ha, ka habe, Inya Iesu wale u me labö okongoâ:

Deuteronomi 30:7

Ke ame he Iehova Khongom ka ip je hnaûhangö hia eling hon je iwahnaihmiony mou, me tavat adre me hûkötiö u adre oveci u.