Numera 24:7 - Iaai Bible 1901 (New Caledonia)

⁷ Ame he ka hingâlâ köiö ûnyi hnyi anyin li baket, Kʼ ame he ka hu je mâtrâniny hnyi je köiö ae se, Kʼ ame he ka gan hmâ thaniny hu Agaga, Kʼ adre me he ka oganâ dokhon dökhu.

Numera 24:7 Iomraidhean Croise

II. Samuela 5:12

Ke Davita ame wâhmakhmeto a Iehova ame otilâ me me thaniny Isaraela, kʼ ame ogânâ dokhon dökhu can je lakeiny a at Isaraela.

I. Je Than 4:21

Ke haba Solomona ame muso je dökhu hia hwân hnyi Wagewe ke ne o but hnyi hnyei iny at Filisiti, ke ne o but hnyi hnyiguölen Aigupito: ke adre me ham bwihlany me huliwa kö Solomona hnyi bongon ta je bong hia thithö.

I. Je Than 5:1

KE haba Hirama thaniny Turo ame kunâ lathnyabainy kö Solomona; anyin a e ame long a gʼ adre hû me me than hwaban kamen: anyin a Hirama ame labö hnyokö Davita.

I. Man Ûlabainy Je Than. 14:2

Ke Davita ame wâhmakhmeto a Iehova ame ohmâ e hnân than Isaraela, anyin a adre ogöranyâ dokhon dökhu ûnyi ge lakeiny a at Isaraela.

Ezera 4:20

Ke haba ehac e hu je than ae hwege hnyi Jerusalema, kʼ ödrin e muso je hnyei hia thithö hoton wagewe; kʼ adre me labö fâtâ omjeû, me jeû, me bi öhnyei ködrin.

Esetera 3:1

KE hwaban ta je ûnyi e haba Asueru than ame oganö Hamana nöku Hamedatha at Agaga, me ogöranyâ e, me ip taben tap hon taben je than hia unyin.

Salamo 18:43

U je omeli nya ûnyi hnyi je iwatretra anyin tavat; U je wiö nya me hnân ban ta je hnyei: Ame he ka bi athnyabaik tavat ae ca khanö nya.

Salamo 68:26

E so öbun e haisoâ Khong hnyi je ûkhacaköu, Wale Than, öbun hanen hna pupuainy Isaraela.

Salamo 72:11

E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.

Salamo 89:27

Ke oge me he ka wia e me me nokuk a bân, At ae beönua hon je than eang hmeledrany.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Isaia 30:25

Ke ame he ka e bi hnyi hon ban ta je bucen hia ae beû goranyai, me je hut hia ae gorany, je wagewe me je köiö ame di, hnyi bonginy ûhlingö ae gan hmâ, e ka ta but je tap ae beû goranyai.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 51:13

At ame laba hnyi je köiö ae se hia, me tren omjeû ae gan, ame o but obiny köu, tulutiny behnyekon a u.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Numera 24:20

Ke e ame bwele ka wâ Amaleka me e ame ha anyin ûhöûcû, ka habe, E beönua Amaleka ehac hnyi je hnyei; Ke haba obiny kâu me e ame he ka hia but.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 17:1

KE ame o thö ke at hnyin je angela a seven hnyat ae hu gadrin je kaia a seven, kʼ ame ha könya, ka habe, Aiö u, oge me he ka omanenâ köu hna bi hwaban ka momo hnyi gethen, at ae nua, kʼ ame laba hon je köiö ae se hia;

Hna Omanenâ 17:15

Me e ame ha könya, ka habe, Haba je köiö u je wâ, waleji ame laba hon momo hnyi gethen, wale je tavat, me tavat ae se, me je hnyei, me je hwen hnyei.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.