Numera 24:18 - Iaai Bible 1901 (New Caledonia)

¹⁸ Haba Edoma me hwajekhon Kʼ ame he Seira minya ka hwajekhon, waleji iwahnaihmiony mē; Kʼ ame he Isaraela ka ton.

Numera 24:18 Iomraidhean Croise

Genese 27:29

E so ame he tavat ka hulwa köu, Me ta je hnyei he ka nom ju köu: U me he ka thaniny je liamekeiny möu, Ke ame he je lakon hinyâm ka nom ju köu: Ame he ka hangâ but at ame hangö u, Kʼ ame he ka hnahic ut at ame hahna hici u.

Genese 27:40

Ke u me he ka möt hnen ânyâm hele vat, ke u ma he ka bi athnyabainy kem; Ke haba hnyi ûen u ka he ka hon, Me u ma he ka hota degecâ ûnyi hon nyem hnen hna ohmâ.

Genese 32:3

Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

II. Samuela 8:14

Ke e ame otilâ je lap tue hnyi Edoma; hnyi Edoma hia e ame otilâ je lap tue, ke ame bi lathnyabai Davita but at Edoma hia. Ke Iehova ame ham dökhu kö Davita hnyi hnen hna he ka hnyin hia.

I. Je Than 11:14

Ke haba Iehova ame okûâ iwahnaihmiony kö Solomona, jia Hadada at Edoma: a e mâtrâniny than hnyi Edoma.

I. Je Than 11:15

Haba ehac ke tiga Davita hnyi Edoma, ke ame he Jaob taben vat he ka konâm je hnyat adre kot, ke adre hia but hlingâ obaga hia hnyi Edoma;

Salamo 60:1

KHONG lö, u je hia but hna degeci ohmun, me thö hagutʼ ohmun; U je hia but hmönyâm; u na he ju ka otilʼ ohmun hmetu.

Isaia 34:5

Anyin a sekon dut anyik hele vat ge hnen hna ijem hnyi drany: wâ bi, e ame he ka utut hon Edoma me hon tavat oge me hangâ, mʼ adre me owisa.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Amosa 9:12

mʼ adre me he ka hu je kolon ge at Edoma, ke ta je hnyei hia wale adre me ip hudra iök, haingo Iehova, at ame ânyâ e.

Obadia 1:2

Wâ bi, oge hia but hom ûhnyûkongu u unyin je hnyei: e gan hmâ hna hûkötiö u.

Numera 20:18

Ke Edoma ame thu kâu, ka habe, U me ca he ka gethen eang unyik, wâ oge nye oâ köu hele vat.

Numera 24:19

Ame he ka o ûheny unyi Jekob ke at musi, Ke e ame he ka ohia kolon ûnyi hnyi taun.