Numera 24:1 - Iaai Bible 1901 (New Caledonia)

¹ KE e manen dut kö Balaama ae so kö Iehova he ka ohnahici Isaraela, me e ame ca he but he ka heleû bihihwakecin, helâji me ke je ûen, ke e ame hnyimakan hnyebuba at

Numera 24:1 Iomraidhean Croise

Numera 22:13

Ke Balaama ame vesâkong, me ha ka je than ûhedrin unyi Balaka, ka habe, He thʼ öbun ka hnyi ibun hnyei, anyin ae höcö Iehova hnö nya he ka tha he möbun.

Numera 22:7

Me ame he wahingatiny Moaba me wahingatiny Midiana, kʼ ödrin e hom hwaban biobotkong hnyi je hnyamödrin; ke ödrin e o but unyi Balaama, me ha kâu hofuc ho Balaka.

Numera 23:15

Ke e ame ha kö Balaka, ka habe, U me he ka tot eang hnyi ânyâm hut, ke oge me he ka ûkhanö me Iehova e helē.

Numera 23:20

Wâ bi, adre kunö nya he ka hahnahicâ: Ke e ame hia but ohnahicâ, ke e ca khanö nya he ka wia e.

Numera 23:23

E hnathu, e ba bihihwakecin kö Jekob, Ke ba biobotkong kö Isaraela: Ke adre me he ka ha ga Jekob me Isaraela, ka habe, Ieû a ânyâ Khong!

Numera 23:28

Me Balaka ame hum Balaama ka hnyi hon Peora, wale cicö hnyebuba.

Numera 23:3

Ke haba Balaama ame ha kö Balaka, ka habe, U me he ka tot hnyi ânyâm hut, ke oge me he ka he but; me ame ne he la Iehova he ka ûkhanö mönya: ke haba hofuc e ame he ka omanenâ könya me oge me he bi nya ka thumeta u. Ke e ame he ka hnyi dok ae görany.

Numera 23:30

Ke Balaka ame ânyâ hoton hna ha hnö Balaama, me hudo hon je taben hut ûsa khaca bolok, me khaca mamoe baga.

Numera 31:16

Wâ bi walödrin e hnyat ödrin e bijoniny lakon Isaraela, me me hna degeci Iehova hnyi ûnyi eji anyi Peora, hnen ûne anyi Balaama, me me o mok ae cap ka hnyi ûkhacaköu anyi Iehova.

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.

I. Samuela 24:20

Ke walang ang, wâ bi, e khanö nya a u me he ka than, ke adre me he ka ohmâ dökhu Isaraela hnyi hnyamâm.

I. Samuela 26:2

Ke haba Saulo ame todrö me utut ka hnyi hnyebuba Zif, ke tha e mē kun ta thauzan at Isaraela adre ûca, he ka elöm Davita hnyi hnyebuba Zif.

I. Samuela 26:25

Ke haba Saulo ame ha kö Davita, ka habe, E so u me hnahic ut, Davita nokuk u me he ka ânyâ ûnyi ae beönua, me he bala ka hwege. Ke Davita ame vheno deny gethen, ke Saulo ame hmetu ka hnyi hnyaban.