Numera 23:9 - Iaai Bible 1901 (New Caledonia)

⁹ Oge me wâ e ûnyi hnyi hon kic, Oge bwele kâu ûnyi hnyi dok ae görany: Wâ bi, wale tavat adre me he ka hake laba, Kʼ adre me ca he ka tha öû ödra me ta je hnyei.

Numera 23:9 Iomraidhean Croise

Ezera 9:2

Anyin a ödrin e hia but hom lakudrin je hlu hobi ködrin me lakudrin je baga; mʼ adre me hia but ûhaniken wan ae kap me tavat aten je hnyei: eke, ame bân je than me tavat musi ka hnyi hulo eling.

Esetera 3:8

Ke haba Hamana ame ha kö Asueru than, ka habe, E hu tavat adre me vese me ve laba hnyi je hnyei a je ke keihen hia hnyi dokhom dokhu; ke e ke anyidrin je hnanyibu me ta ogo hnyei hia thithö; ke ödrin e ca ânyâ je hnanyibu anyin than: anyin a wale e ca ûcû bi ka than he ka hokhnyoki ödrin.

Esodo 33:16

Kʼ ame he ka kâmâu ka manen a u me betenge gak, walönya me lakem ang? Hawa, ca hnyi ûnyi ang a ötin e tha he, me ohmun e he ka ve bongon ràe ta je hnyei hia eang hmelen, a inya me lakem?

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Jeremia 49:31

Todrö, ke he thʼ öbun ka hnyi hnyei ame laba so, kʼ adre me labā ke ba hmak, haingö Iehova, tavat ae ba hlinginy hwanuma me ohmâiny, kʼ adre me hake laba.

Amosa 9:9

Anyin a wâ bi oge me he ka hûna, ke oge me he ka cubec lap anyi Isaraela unyin je hnyei, helâ me hna degec tiren hwit hnyi taben ûcûbic, ke so bi ame ca he ka kolu ke wan ae ûhnyûkong hnyikânâi.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

II. Korinito 6:17

Anyin a wale, haingen Than, ka habe, Didrut öbun gadra, ke ve laba but, Ke ca kâlâ bi ûnyi ae ikiki; Ke oge me he ka köp öbun,

Deuteronomi 32:8

Hnyi ûen waleji Beönua ame ha idrin ka ta je hnyei hnyin, Kʼ ame oveseâ lakon tavat, Me wale e ame kia je hnyigöulen tavat, Hoton ûganiny lakon Isaraela.

Deuteronomi 33:28

Ke Isaraela ame laba khötkic, Hake e pupuainy Jekob, Hnyi hnyei ae hu hwit me waina; Eke, ame ta hau ûnyi hnyi anyin drany.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: