Numera 23:4 - Iaai Bible 1901 (New Caledonia)

⁴ Ke Khong ame ûkhanö me Balaama, me e ame ha kâu, ka habe, Oge hia but penapena je taben hut a seven, me ve hudo hon je taben ûsa khaca bolok me khaca mamoe baga.

Numera 23:4 Iomraidhean Croise

Numera 22:20

Ke haba Khong ame o but kö Balaama hnyi hnyinghet, me ha kâu, ka habe, Ame ne o tavat ka hawo u, me todrö, me tha he mödrin: ke so bi, haba thibi ûnyi oge me he ka ha köu, me wale ûnyi u ma he ka ânyâ.

Numera 22:9

Ke ame o but Khong kö Balaama me ha ka habe, Ie hnyat û unyâm?

Numera 23:1

KE Balaama ame ha kö Balaka, ka habe, Ânyâ thö je taben hut a seven eang, ke penapena thö eang seven ta bolok, ke seven ta mamoe baga.

Numera 23:16

Ke Iehova ame ûkhanö me Balaama, me bi hofuc ka hnyi hnyimen, ka habe, Hmetu thö kö Balaka me ha je hofuc eling.

Numera 23:3

Ke haba Balaama ame ha kö Balaka, ka habe, U me he ka tot hnyi ânyâm hut, ke oge me he ka he but; me ame ne he la Iehova he ka ûkhanö mönya: ke haba hofuc e ame he ka omanenâ könya me oge me he bi nya ka thumeta u. Ke e ame he ka hnyi dok ae görany.

Numera 23:5

Ke Iehova ame bi hofuc ka hnyi hnyimö Balaama, me ha, ka habe, Hmetu thö kö Balaka, ke u me he ka ha kâu helâe.

Mataio 20:12

me ha, ka habe, Haba tavat a bilidra adre hia but huliwa khaca thibi âwâ, ke u je mâdrâ ködrin e ûcû möhmun, waleji tavat ohmun e hok hmakiny bong me kahwainy ae gan hmâ.

Luka 18:12

Inya oge me olo ânyâ ca han hnyi je wik, ke oge me ham ke keihen a libenyitainy anyik ta je ûnyi hia thithö.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Roma 3:27

Anyin a wale, ewa hna ohobeluâ? E ba hnen bi e. Hnen ie hnanyibu? hawa, ge huliwa? Ohe; ke so bi ûnyi ge hnanyibuiny labageju.

Efeso 2:9

ca ûnyi ge huliwa, wâ e nye he ke at ka hobelöû.