Numera 23:19 - Iaai Bible 1901 (New Caledonia)

¹⁹ Haba Khong me ca at bi, me me he ka thoi; Ke ca nokon at bi, me me he ka ietra: Hawa e ame fuc kʼ ame ca he ka ânyâ? Ame ha hofuc, kʼ adre me ca he ka owhâdâ?

Numera 23:19 Iomraidhean Croise

Genese 26:3

u ma laba kanyua hnyi hnyei eling, ke oge me he ka tha e möu, me ohnahici u; anyin oge me he ka ham köu me ta je mâtrânâm ta je hnyei hia eang, me oge me he ka ohwâdâ hnök hna ûhihinyköu kö Aberahama a kâmâm;

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

I. Je Than 14:11

Haba atö Jeroboama ame ne he ka mok hnyi taun, me ame he je kuli ka an; ke haba at ame he ka mok hnyi hnyei, me ame he je meno ame gâ ka an: anyin a hia but Iehova ha.

II. Je Than 15:12

Wale hofuc ho Iehova a ha kö Jehu, ka habe, Ame he je mâtrânâm ka tabâ theron hnyi Isaraela ke ne o but hnyi dö a vakiny. Me adre helâe.

II. Je Than 7:2

Haba taben, waleji a he cimâ hnyamen than, ame thu ka aten Khong, ka habe, Wâ bi, ame ne he Iehova ka bi mamalama hnyi drany ame ne he ka manen ûnyi e? Ka haingen, ka habe, Wâ bi, u me he ka hnyi wâ e ge li emakâm kʼ u me ca he ka hnyi han.

I. Man Ûlabainy Je Than. 17:17

Ke ûnyi e ae ûhnyûkong hnyi hnyimâkâm Khong lö; ke so bi u je hia but ha minya ge lap anyin athnyabaem hobi kâu nyiele, ke u je hia but ō nya, Iehova Khong, helâ me at ae ûnyi hnathu.

Salamo 110:4

Iehova a hia but khemanyin, kʼ ame ca he bi ka ietra, ka habe, U thibi at bihut nyiele balua helâ me hwakeci Melekisedek.

Salamo 132:11

Ahia but Iehova khemanyin kö Davita hnyi hnathu; E ame ca he ka hwio gan, ka habe, Ûnyi hnyi mâtrân unyâm oge me he ka otilâ hon ânyâm theron.

Salamo 77:9

Hawa, a hnying ut Khong he ka betenge? Ke hawa, e ame hlöng ut anyin tang betenge ae menyik hnyi anyin hmöʼ nyin? [Sela.

Salamo 89:34

Oge me ca he ka oûnyibaûâ anyik ûhihinyköu, Ke oge me ca he ka wia hofuc ame he but ûnyi hnyi li esongodik.

Salamo 89:35

Oge hia but okhaca khemanyin hnyi hwakecik ae kap; Oge me ca he ka thoi kö Davita;

Isaia 21:17

ke haba kolon ûseiny tavat hlic fana, a tavat hwege unyin lakon Kedara, me adre me e ka wakhalet ut: anyin a hia but ha Iehova Khongu Isaraela.

Isaia 31:2

Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.

Isaia 40:8

Hna önying ame meleca, ke vongon ame kolu: ke tethmâ bi nyiele balua hofuc hwan Khonguta.

Isaia 46:11

at ame hawâ meno ame gâ ae behan ûheny jimeio, ûheny hnyi hnyei ae sâkâû, waleji at oge me ûsabö mē; eke, oge hia but ha, me oge me he ka ohwâdâ e; oge hia but ip hnyi hnyekuk, me oge me he bi ka ânyâ.

Isaia 55:11

ke ame he ka helâe hok hofuc wale ame he but ûnyi hnyi hnyimök: a gʼ ame ca he ka hmetu baû könya, ke so bi, ame he ka ânyâ wek, kʼ ame he bi ka aat hnyi ûnyi oge me kunâ e ka hnyin.

Jeremia 4:28

Anyin a wale ame he hmeledrany ka tenge, ke ame he ka khömet ut drany: anyin oge hia but ha, me ûnykûme, ke oge me ca he ka ietra, ke haba khaca oge me ca he ka hmetu ûhek e.

Daniela 4:28

Me ame aat dö kö Nebukaneza ta je ûnyi hia eling.

Hosea 11:9

Ke oge me ca he bi ka ohwâdâ anyik hmonyin ae gan, ke oge me ca he hmetu bi ka ohiö Eferaima: anyin a inya Khong, ke ca at bi; At ae Kap hnyi wanbâm: me oge me ca he ka delec taun.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Numera 14:35

Inya Iehova oge me fuc, kʼ oge me he ka ânyâ eling ka ûkhacaköu hia ae kong eang, adre tot meta könya: adre me he ka ohiʼ ödra hnyi hnyebuba eang, kʼ adre me he ka mok eling.

Numera 23:18

Me e ame ha anyin ûhöûcû, ka habe, Höhöi thö, Balaka, me löng ju; Tevehlöng ju könya u nöku Zipora:

Luka 21:33

Ame be ka hia drany me hmeledrany: ke ame ca he bi ka hia hok ta je hofuc.

Roma 11:29

Anyin ame ca ietra Khong ge hnen hna ham, me hnen hna hawâ.

Roma 9:6

Ke ca helâke ame ûnyi baû hofuc hwan Khong. Anyin a ca tavat Isaraela hia bi ödra hnyi Isaraela:

II. Timoteo 2:13

ke ate ne ca hnathu, me hnathu bala bi e; anyin e ca khana he ka hamen ivinoâ e bi.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Heberu 7:21

(anyin adre hia but wiʼ ödra hnân at bihut, ke ba khemanyinâ; ke adre me wia e ge hna khemanyin hnen at ame ha gan, ka habe, Haba Than ame khemanyin kʼ ame ca he bi ka ietra, A u thibi at bihut nyiele balua):

Iakobo 1:17

Haba ta je bwihlany hia ae so me ta je hna ham bâûâ ae hmanenang, me ûnyi ethö ge Kamen melam, waleji ame ca ok, ke ba ong haten hwio gan.

Iakobo 4:5

Hawa, öbun e ûnykûme a gʼ adre ha bâûâ hna sihnalimen? Hawa, ame weny me ihuhnyinköu hanu, a ame ip eû hnyi je hnyekuta?

Josua 21:45

Ke ame ca haû ke hofuc hnyi ta je hofuc ae so ame ba Iehova ka lap anyin at Isaraela; kʼ ame hwâdâ hia.

I. Samuela 15:29

Ke haba khaca, ame ca he ka thoi me ietra Man mani Isaraela: anyin a ca at, me me ietra.

I. Samuela 3:12

Hnyi bong eling oge me he ka ânyâ kö Eli ta je ûnyi hia wale oge hia but ha ge anyin lap, hwân hnyi can, ke ne o but obiny.