Numera 23:12 - Iaai Bible 1901 (New Caledonia)

¹² Ke e ame thu, ka habe, Hawa, oge me ca he ka wâ wia he ka ha hofuc Iehova ame ip hnyi hnyimök?

Numera 23:12 Iomraidhean Croise

Esodo 4:15

Ke u ma he ka ha hofuc kâu, me bi hofuc ka hnyi hnyimen: ke oge me he ka tha inya me hnyimâm me hnyimen, me ku köbu ûnyi öbu me he ka ânyâ.

Ta je Vejec 26:25

E ka ha hofuc ae wisa, ca kap bi; Anyin a eû hnyi hnyekon je ûnyi ae ikiki a seven.

Numera 22:20

Ke haba Khong ame o but kö Balaama hnyi hnyinghet, me ha kâu, ka habe, Ame ne o tavat ka hawo u, me todrö, me tha he mödrin: ke so bi, haba thibi ûnyi oge me he ka ha köu, me wale ûnyi u ma he ka ânyâ.

Numera 22:38

Ke Balaama ame thu kö Balaka, ka habe, Wâ bi oge o but köu: hawa, ekhanö nya he ka ha ke hofuc? ke haba hofuc ame he Khong ka ip hnyi hnyimök, me oge me he ka ha eling.

Numera 23:13

Ke Balaka ame ha kâu, ka habe, Ö u me tha he mönya ka hnyi ke dok, mʼ u me he ka ö ödra hnyin; u me he ka wâ ke keihen tavat thibi, ke u me ca he ka wâ hia: ke u me be ka hangâ ling hobi könya.

Numera 23:20

Wâ bi, adre kunö nya he ka hahnahicâ: Ke e ame hia but ohnahicâ, ke e ca khanö nya he ka wia e.

Numera 23:26

Ke haba Balaama ame thu me ha kö Balaka, ka habe, Oge me ca ha köu, ka habe, Hamök he ka ânyâ ta je ûnyi hia ame he Iehova ka ha könya?

Numera 23:3

Ke haba Balaama ame ha kö Balaka, ka habe, U me he ka tot hnyi ânyâm hut, ke oge me he ka he but; me ame ne he la Iehova he ka ûkhanö mönya: ke haba hofuc e ame he ka omanenâ könya me oge me he bi nya ka thumeta u. Ke e ame he ka hnyi dok ae görany.

Numera 24:13

Ame ne he Balaka ka ham könya umen uma ae unöngöt ge sileva me gol, me ca khanö nya bi he ka onua hofuc ho Iehova, he ka ânyâ so me kong hoton wek; ke haka hofuc ame ha Iehova, me wale hofuc oge me he ka ha?

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.