Numera 23:10 - Iaai Bible 1901 (New Caledonia)

¹⁰ Ia ae khana he ka aû sesâi Jekob, Me ha ûseiny ke keihen a vakiny Isaraela? E na he ju mekik ka helâ me mekiny at ae wisa, Me obiny melik helâ me obiny melen.

Numera 23:10 Iomraidhean Croise

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Salamo 116:15

E ûnyi hnathu kö Iehova Mok anyin anyin wakap.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Numera 2:16

Haba tavat hia adre aû ûnyi hnyi lap anyi Reubena, me ödra wan haded ke fifte wan thauzan ke foa haded ke fifte, hoton köiödra. Walödra he a loiny.

Numera 2:24

Haba tavat hia adre aû ûnyi hnyi tribu Eferaima, me ödra wan haded ke eit thauzan ke wan haded, hoton köiödra. Ke walödra he a kuniny.

Numera 2:31

Haba tavat hia adre aû ûnyi hnyi lap anyi Dana, me ödra wan haded ke fifte seven thauzan ke siks haded. Hamödra he ka he biliny hoton anyidra je haten.

Numera 2:9

Haba tavat hia adre aû ûnyi hnyi lap anyi Juda, me ödra wan haded ke eite siks thauzan ke foa haded, hoton köiödra. Hamen tavat eling he ka bân.

Numera 31:8

Ke adre me hlingâ je thaniny Midiana tha ödrin me tavat adre hlingâ; wale Evi, ke Rekem, ke Zura, ke Huro, ke Reba, ödrin je thaniny Midiana a thabûng: ke adre me hlingö Balaama nöku Beora ge hele vat.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

Hna Omanenâ 14:13

Ke oge me löng hofuc ûnyi hnyi drany ame ha könya, ka habe, Sihnalimen ju, ka habe, Hnahic hnen wamok, tavat adre me mok unyin Than hwân walang ang: eke, ame ha Hanu, mʼ adre me menâ thö ûnyi hnyi anyidra ta je huliwa; anyin ame tha hnu hotudra anyidra ta je huliwa.