Numera 22:6 - Iaai Bible 1901 (New Caledonia)

⁶ ö u he but jem me hangâ tavat eling hobi könya; anyin a ödra hwege huk: me ame ne khanö nya la he ka kuc ödra, me hnu ödra ûnyi hnyi hnyei: anyin ae khanö nya a haba at u me hahnahicâ me ame hnahic bi; ke haba at u me hangâ me ame hnaûhangö.

Numera 22:6 Iomraidhean Croise

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 27:29

E so ame he tavat ka hulwa köu, Me ta je hnyei he ka nom ju köu: U me he ka thaniny je liamekeiny möu, Ke ame he je lakon hinyâm ka nom ju köu: Ame he ka hangâ but at ame hangö u, Kʼ ame he ka hnahic ut at ame hahna hici u.

I. Je Than 22:13

Ke haba ûthumetu at a hawo Mikaia ame ha kâu, ka habe, Wâ bi, walang ang, khaca thibi hofuc hwan je perofeta, ödrin e omanenâ so ka than: e na so minya ju hwâm e me helâ me hodrin, ke hnyi ha thö ûnyi ae so.

I. Je Than 22:6

Me haba than Isaraela ame ûkhacaköuâ ta je perofeta, helâ me foa haded, me ha ködrin, ka habe, Hawa, oge me he ka he Ramothe-gileada ai he ka vat, oge ma hna ju? Haingödrin, ka habe, He thö anyin a ame he Iehova ka hna e ka hnyi hnyamen than.

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

Nehemia 13:2

can ödrin e ca ûkhanö me lakon Isaraela me je areto me köiö, ke ödrin e ham bak kö Balaama me me he ka hângʼ ödrin: ke so bi haba Khongutin ame wia hna hangâ me me hnahic bi.

Salamo 109:28

E so adre me he ka hahnaûhangö, ke so u ma he bi ka ohnahicâ: Ödra ka tot, me adre me he ka hmehma, ke ame he athnyabaem ka senyin.

Ta je Vejec 26:2

Ame gâ monu meno, me gâ baû wahalep, Ke helâe ame ca he bi ka man ûhangö baû.

Ezekiela 13:6

Adre me hia but wâ ûnyi ae ûnyi baû, ke bi khong thoi, me ha, ka habe, Haingö Iehova; ke ame ca kunʼ ödra ga Iehova: ke adre hia but kunâ tavat he ka geju a ga me he ka hwâdâ but hofuc.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Numera 22:12

Ke haba Khong ame ha kö Balaama, ka habe, U me ca he ka tha he mödrin: u me ca he ka hangâ tavat eling: anyin adre hahnahici ödra.

Numera 22:17

anyin a oge me he ka ti oganö u, ke oge me he ka ânyâ ta je ûnyi hia u me he ka ha könya: anyin a wale ö u he but jem me hangâ tavat eang hobi könya,

Numera 23:13

Ke Balaka ame ha kâu, ka habe, Ö u me tha he mönya ka hnyi ke dok, mʼ u me he ka ö ödra hnyin; u me he ka wâ ke keihen tavat thibi, ke u me ca he ka wâ hia: ke u me be ka hangâ ling hobi könya.

Numera 23:27

Ke Balaka ame ha kö Balaama, ka habe, Aiö u, mʼ inye he ka hum u ka hnyi ke dok; kʼ ame ne so ka Khong, me u ma he ka hângʼ ödra eling hobi könya.

Numera 24:9

E ame cibouca, helâ me man liona, Ke helâ me liona momo; ie at ame he ka bwebwelâ? Ame he ka hnahic at ame hahnahici u, Kʼ adre me he ka hangâ at ame hangö u.

Ta je huliwa 16:16

Ke hnyi ke bong ohmun e he ka hnyi dok adre me hic hnyin, me ame ûkhane thö möhmun hlu a delec hanu ame bi obotkong, ke se hia omjeû ame o ka latuhan, troban anyin bihihwakecin.

Deuteronomi 23:4

anyin a ödra me ca ûkhanöâ möbun jeû me köiö eû hnyi gethen waleji hnyi ûhebun ûheny Aigupito; ke can adre me bi omjeû kö Balaama nöku Beora ûheny Pethora hnyi Mesopotamia, he ka hangö u.

Josua 24:9

Ke ame todrö Balaka nöku Zipora, than Moaba, me vat me Isaraela; me e ame ûkhûnöng he ka hum Balaama nöku Beora he ka hângʼ öbun:

I. Samuela 17:43

Ke ame ha kö Davita at Filisiti, ka habe, Iny kuli, me u me o könya me je uci? Me haba at Filisiti ame hangö Davita ge je khongon.