Numera 22:5 - Iaai Bible 1901 (New Caledonia)

⁵ Me e ame kunâ je ûthûmetu ko Balaama nöku Beora hnyi Pethora, a e hnyi Wagewe, ka hnyi hnyei anyin lakon lakeiny, he ka hawâ e, me haingen, ka habe, Wâ bi a o thö tavat ûhedra Aigupito: ke wâ bi adre me avâ hnyei, kʼ adre me laba but ang cicö ik:

Numera 22:5 Iomraidhean Croise

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Salamo 105:24

Me e ame ti osehia lakeiny, Me ohwegi ödra hon ta je iwahnaihmiöny mödra.

Esodo 10:15

Kʼ adre khavâ hon kânâ hia, kʼ ame lit ut hnyei; kʼ adre me an ta je khölakiny hnyei, me je wan ûö hia je kolon hwaban we ae wahma: ke ba hmetu lan hnyot, wale ûö me khölakiny kânâ, hnyi hnyei Aigupito hia.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Numera 23:7

Me e ame ha anyin ûhöûcû, ka habe, Balaka ame hum nya ûhek Arama, Wale than Moaba ûnyi hnyi je bucen e Deiö: Aiö u, hangö Jekob hobi könya, Ke aiö u, me û Isaraela.

Numera 31:8

Ke adre me hlingâ je thaniny Midiana tha ödrin me tavat adre hlingâ; wale Evi, ke Rekem, ke Zura, ke Huro, ke Reba, ödrin je thaniny Midiana a thabûng: ke adre me hlingö Balaama nöku Beora ge hele vat.

Deuteronomi 23:4

anyin a ödra me ca ûkhanöâ möbun jeû me köiö eû hnyi gethen waleji hnyi ûhebun ûheny Aigupito; ke can adre me bi omjeû kö Balaama nöku Beora ûheny Pethora hnyi Mesopotamia, he ka hangö u.

Deuteronomi 23:5

Ke so bi haba Iehova Khongom ame ca ling Balaama, ke Iehova Khongom ame wia hnaûhangö eling me me hnahic bi, anyin a Iehova Khongom ame hnyok köu.

Josua 13:22

Balaama minya nöku Beora, at ame bi khong, ame mokut unyin je komok a hlingâ hnen lakon Isaraela ge hele vat.

Josua 24:9

Ke ame todrö Balaka nöku Zipora, than Moaba, me vat me Isaraela; me e ame ûkhûnöng he ka hum Balaama nöku Beora he ka hângʼ öbun:

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.

Hna Omanenâ 2:14

Ke e hu gak ke ta je ûnyi gam, anyin ae hu but unyâm keihen tavat adre me kât hna ûne anyi Balaama, waleji at ame nâ kö Balaka he ka ip ûnyi hnân othoâ hnyi hnyimakan Isaraela, waleji he ka an ta je ûnyi adre hudo ka ta je hnatheat, me he ka bi ûnyi monu.