Numera 22:40 - Iaai Bible 1901 (New Caledonia)

⁴⁰ Ke Balaka ame hudo je bolok me je mamoe, me hawo Balaama me je than unyin.

Numera 22:40 Iomraidhean Croise

Genese 31:54

Ke Jekob ame bi hudo ke hut hnyi bucen, me hawâ je liamekeiny më ka hnyi han areto: ke ödrin e han areto, me mokut hnyi bucen.

Ta je Vejec 1:16

Anyin ame wadring je cadra ka hnyi hulo, Ke adre he mweimwei he ka hingâlâ dra.

Numera 22:39

Ke Balaama ame tha he me Balaka, me o Kiriatha-uzoth.

Numera 22:41

Ke haba nyi Balaka ame hum Balaama, me hom e ka hnyi je dok ae gö-rany anyi Baala, ke e ame wâ ûheny e tavat ke ne o but obiny je bunyen.

Numera 23:14

Me e ame hom e ka hnyi utkânâ iny Zofim, hnyi ban Pisega, kʼ ame otilâ je taben hut a seven, me ame hudo hon je taben ûsa khaca bolok ke khaca mamoe baga.

Numera 23:2

Me Balaka ame ânyâ helâ me hna ha hnö Balaama; ke haba Balaka me Balaama ödru me hudo hon je taben hut a ûsa khaca bolok me ûsa khaca mamoe baga.

Numera 23:30

Ke Balaka ame ânyâ hoton hna ha hnö Balaama, me hudo hon je taben hut ûsa khaca bolok, me khaca mamoe baga.