Numera 22:3 - Iaai Bible 1901 (New Caledonia)

³ Ke ame ot gan hmâ at Moaba ge tavat! anyin a ödra se hia: ke ame hlohlo at Moaba ge lakon Isaraela.

Numera 22:3 Iomraidhean Croise

Nehemia 13:2

can ödrin e ca ûkhanö me lakon Isaraela me je areto me köiö, ke ödrin e ham bak kö Balaama me me he ka hângʼ ödrin: ke so bi haba Khongutin ame wia hna hangâ me me hnahic bi.

Salamo 53:5

Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra.

Esodo 1:12

Ke e gan hna okongu ödra, ke gan minya ûdudui ʼdrin me si. Ke hmak je hnyekudrin can lakon Isaraela.

Esodo 15:15

Ame uthmok ta je tuhan hnyei Edoma; Ame öbubun tavat hwege hnyi Moaba: Kʼ ame aû tavat hia adre me laba Kanana.

Esodo 23:27

Oge me he ka kunâ hnân outö nya hnyi hnyimâkâm, me ovecâ ta je hnyei hia u me he ka o ka hnyin, kʼ oge me he ka kunâ ta je iwahnaihmiony hia möu he ka kec gam.

Isaia 23:5

E ka o ûthumetu Aigupito ai, me adre me he ka vec gan hmâ ge hna thumetu ge Turo.

Deuteronomi 2:25

Ke oge me he ka hwân hnyi bong ang he ka okûâ outö u, me me he ka öbubuny gam hnen ta je hnyei hia eang hmeledrany, a tavat adre me löng ânyâm lung, kʼ adre me he ka öbubuny, me hleûhleû gam.

Josua 2:24

Ke ödru me ha ko Josua, ka habe, E hnathu a hia but Iehova hna kötin hnyei hia; he haba khaca ame köiö hnyekon tavat hia thithö a aten idra hnyei, ûnyi gata.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.