Numera 22:23 - Iaai Bible 1901 (New Caledonia)

²³ Ke haba asina ame wâ angela anyi Iehova ame tot eû hnyi gethen, ke e hnyi hnyamen hele vat adre oc: me haba asina ame saû but ûheny hnyi gethen, me he ka hnyi hnyot: me Balaama ame kot asina he ka ohmeto e ka hnyi gethen.

Numera 22:23 Iomraidhean Croise

II. Je Than 6:17

Haba Elisaia ame hic me ha, ka habe, Iehova lö, ö u obwela but li emakan, me me wâ. Me Iehova ame obwela li emakan hidröu; ke e ame wâ: ke wâ bi, ame unöngötö bucen ge je hors me je kariota meic igigili Elisaia.

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

Jeremia 8:7

Eke, e khana but kasidainy drany ûen e: ke a wâhmakhmeto but meköta, me wahalep, me aguru, ûen adre me oʼ hnyin; ke ca khana bi lakeik hna otilâ hnö Iehova.

Daniela 10:7

Ke hake inya Daniela at ame wâ hna omanenâ eling: ke adre me ca hnyi wâ hna omanenâ ge tavat adre me tha e mönya; ke so bi, ame o but kodra öbubuny ae gan hmâ, me adre me kec dö me lubaduöng.

Numera 22:22

Ke ame ubâhlâ hmönyin anyi Iehova can e ame he: ke haba angela anyi Iehova ame tet metâ kâu eû hnyi gethen he ka ovhelâ e. Ke e ame tabâ haleny asina me he, ke tha e me li athnyabainy.

Numera 22:24

Me haba angela anyi Iehova ame tot hnyi thopiny gethen hnyi wanben je hnyei vine, ke e hu hak hnyi ke keihen e, me ke hak hnyi ke keihen ang.

Ta je huliwa 22:9

Haba hnyat ödrin e tha he mönya, me adre me wâ melam, kʼ adre me ca long bi ifucin at ame fuc könya.

Josua 5:13

Ke e Josua hnyi Jeriko, me e ame bwele me wâ, ke wâ bi, ame tot cicö e at ame tot me hele vat adre oc hnyi hnyamen: ke haba Josua ame he kâu me ha kâu, ka habe, U me tha hiâm möhmun, hawa, me je iwahnaihmiony möhmun?

II. Peteru 2:16

ke adre me oû e can anyin monu: ke ame fuc asina ae hum ge ifucin at, ine thawâ hwen monu anyin perofeta.

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.