Numera 22:18 - Iaai Bible 1901 (New Caledonia)

¹⁸ Ke Balaama ame thu, me ba ka lathnyabai Balaka, ka habe, Ame ne he Balaka ka ham könya umen uma ae unöngöt ge sileva me gol, e ca khanö nya he ka hanyâûâ hofuc ho Iehova a Khonguk, he ka ânyâ ûhnyûkong me gan.

Numera 22:18 Iomraidhean Croise

I. Je Than 13:8

Ke haingen aten Khong ka than, ka habe, U je ne ham könya hafiny umâm uma, oge me ca he ka tha dit möu, ke haba khaca, oge me ca he ka han areto me ic köiö hnyi dok ang:

I. Je Than 22:14

Ke haingö Mikaia, ka habe, Kia inya Iehova, a haba ûnyi ame he Iehova ka ha, wale thibi e oge me he ka ha.

II. Man Ûlabainy Je Than. 18:13

Me haingö Mikaia, ka habe, Kia inya Iehova, ke haba hofuc ame he Khonguk ka ha, me oge me he bi nya ka ha.

Jobu 3:15

Ke je than a ödra tren gol, Kʼ ödrin e öunöngötâ umödrin je uma ge sileva:

Daniela 5:17

Haba Daniela ame thu hnyi hnyimakan than, me ha, ka habe, Hnen ju unyâm ânyâm je bwihlany, ke ham bi ka ke at hwaban ûnyi gam; ke so bi oge me he ka aû köu than hna sihnalimen, me omanenâ köu bongon.

Numera 22:19

Anyin a wale mē mokut ju öbun eang, mʼ inye he ka vehlöng hofuc ame he Iehova ka ha hmetu könya.

Numera 22:38

Ke Balaama ame thu kö Balaka, ka habe, Wâ bi oge o but köu: hawa, ekhanö nya he ka ha ke hofuc? ke haba hofuc ame he Khong ka ip hnyi hnyimök, me oge me he ka ha eling.

Numera 22:8

Me haingen ködrin, ka habe, Me mokut ju eang, ke oge me he ka hmeto köbun hofuc ame he Iehova ka ha könya: me haba je than Moaba ödrin e laba unyi Balaama.

Numera 23:26

Ke haba Balaama ame thu me ha kö Balaka, ka habe, Oge me ca ha köu, ka habe, Hamök he ka ânyâ ta je ûnyi hia ame he Iehova ka ha könya?

Numera 24:12

Ke Balaama ame ha kö Balaka, ka habe, Hawa, oge me ca ha ka ânyâm je ûthûmetu waleji u je kunâ könya, me ha, ka habe,

Numera 24:13

Ame ne he Balaka ka ham könya umen uma ae unöngöt ge sileva me gol, me ca khanö nya bi he ka onua hofuc ho Iehova, he ka ânyâ so me kong hoton wek; ke haka hofuc ame ha Iehova, me wale hofuc oge me he ka ha?

Ta je huliwa 8:20

Me baba Peteru ame ha kâu, ka habe, A hnaûhango but ânyâm mone möu, anyin a u je ûnykûme he ka ûcû moniny ûnyi a ham bâûâ hnen Khong.

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

Josua 24:10

ke haba inya oge me höcö he ka ling Balaama; anyin a wale e ame ha hnahici öbun bi; me oge me omeli öbun unyi hnyi hnyamen.