Numera 22:12 - Iaai Bible 1901 (New Caledonia)

¹² Ke haba Khong ame ha kö Balaama, ka habe, U me ca he ka tha he mödrin: u me ca he ka hangâ tavat eling: anyin adre hahnahici ödra.

Numera 22:12 Iomraidhean Croise

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

II. Man Ûlabainy Je Than. 31:10

Ke haba Azaria at bihut ae beönua hanen lap anyi Zadoka ame thu kâu, me ha, ka habe, Hwân hnyi ûen adre hwân ka hom jem je hut ka hnyi uma umö Iehova, ohmun e han me sekuhmun dö, ke gan hmâ bala biju: anyin a Iehova ame hia but ohnahicâ lakeiny; ke haba kolon, wale ta je ûnyi ang ae gan.

Salamo 144:15

Awe, hnahic hnen hnyei a helâe; Eke, hnahic hnen hnyei a Iehova Khongudrin.

Salamo 146:5

Hnahic hnen at ame hadruâ e hnen Khongu Jekob, At ame labageju kö Iehova a Khongon:

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Mika 6:5

Lakeik lö, ûnykûme thö walang ang ge hna elâm gan hnö Baraka than Moaba, ke hnö Balaama nöku Beora hna thu kâu; ûnykûme ju hwân hnyi Sitima ke ne o but huyi Gilegala, me me khanʼ öbun Hwakecin ae wisa anyi Iehova.

Numera 22:11

Wâ bi, haba tavat adre o ûhedra Aigupito adre me avâ hnyei: ö u he but jem me hângʼ ödra hobi könya; me oge me ne he ka hwege hudra la, me hnu ödra.

Numera 22:13

Ke Balaama ame vesâkong, me ha ka je than ûhedrin unyi Balaka, ka habe, He thʼ öbun ka hnyi ibun hnyei, anyin ae höcö Iehova hnö nya he ka tha he möbun.

Numera 22:6

ö u he but jem me hangâ tavat eling hobi könya; anyin a ödra hwege huk: me ame ne khanö nya la he ka kuc ödra, me hnu ödra ûnyi hnyi hnyei: anyin ae khanö nya a haba at u me hahnahicâ me ame hnahic bi; ke haba at u me hangâ me ame hnaûhangö.

Numera 23:23

E hnathu, e ba bihihwakecin kö Jekob, Ke ba biobotkong kö Isaraela: Ke adre me he ka ha ga Jekob me Isaraela, ka habe, Ieû a ânyâ Khong!

Numera 23:3

Ke haba Balaama ame ha kö Balaka, ka habe, U me he ka tot hnyi ânyâm hut, ke oge me he ka he but; me ame ne he la Iehova he ka ûkhanö mönya: ke haba hofuc e ame he ka omanenâ könya me oge me he bi nya ka thumeta u. Ke e ame he ka hnyi dok ae görany.

Numera 23:8

Oge ma kâmâu ka hangâ at a ca hangâ hnen Khong? Ke oge ma kâmâu ka oû at a ca oû hnö Iehova?

Numera 24:9

E ame cibouca, helâ me man liona, Ke helâ me liona momo; ie at ame he ka bwebwelâ? Ame he ka hnahic at ame hahnahici u, Kʼ adre me he ka hangâ at ame hangö u.

Mataio 27:19

Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.

Roma 11:29

Anyin ame ca ietra Khong ge hnen hna ham, me hnen hna hawâ.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Deuteronomi 23:5

Ke so bi haba Iehova Khongom ame ca ling Balaama, ke Iehova Khongom ame wia hnaûhangö eling me me hnahic bi, anyin a Iehova Khongom ame hnyok köu.

Deuteronomi 28:6

U me he ka hnahic u ka didro, ke u me he ka hnahic u ka didrut.

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.

Deuteronomi 7:14

Ame he ka beönua ânyâm hnahic hon ta je hnyei hia: kʼ ame ca he ka toûnyi ke baga me momo unyibun, me halem omeno.