Numera 21:4 - Iaai Bible 1901 (New Caledonia)

⁴ Ke adre me he ûhedra hnyi bucen Hora, getheniny Köiö ae Dra, igigilö hnyei Edoma: ke ame vec hnyekon tavat can gethen.

Numera 21:4 Iomraidhean Croise

II. Je Than 3:8

Ke haingen, ka habe, Ewa detu? Ke e ame thu, ka habe, Detu hnyi hnyebuba hnyi Edoma.

Esodo 6:9

Ke Mose ame ha helâe ka je lakon Isaraela: kʼ adre me ca ling Mose can hnyekudra ae vec, me hwenbödra ae hmak.

Numera 14:25

Haba at Amaleka me Kanana adre me laba hnyi hnyigöulen bucen: ke haba nyi öbun e he ka hwiö me he ka hnyi hnyebuba, gethen ka hnyi Köiö ae Dra.

Numera 20:27

Ke Mose ame ânyâ helâ me Iehova ame hûna: ke ödrin e öliâ bucen Hora hnyi hnyimakan ûkhacaköu hia.

Numera 32:7

Ke ieû gabun öbun e ohluhluâ hnyekon lakon Isaraela, mʼ adre me ca he ka hanyâûâ ka hnyi hnyei waleji a ham ködra Iehova?

Numera 32:9

Anyin a ödrin e he but ka hnyi hnyigöulen bucen Esekolo, me wâ hnyei, me ödrin e ohluhluâ hnyekon lakon Isaraela, mʼ adre me ca he ka hnyi hnyei waleji a ham ködra Iehova.

Numera 33:41

Ke ûhedra hnyi buoen Hora, me adre me hunuma Zalemona.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

Deuteronomi 1:40

Ke haba öbun bi, hwio thʼ öbun me he ka hnyi hnyebuba gethen ûheny hnyi Köiö ae Dra.

Deuteronomi 2:1

KE ate me hwio me he ka hnyi hnyebuba gethen ka he ka hnyi Köiö ae Dra, hoton hna hûna hnö Iehova könya: ke se hia je bong ate me laba igigilö bucen Seira.

Owisa 11:18

Ke e ame vheno hnyebuba, me igigilo hnyei Edoma, me hnyei Moaba, me he hnyi ke keihen e deiö hnyei Moaba, me hunuma hnyi ke keihen Arenona; ke ödrin e ca o hnyi hnyigöulen Moaba, anyin a Arenona hnyigot me Moaba ehac.