Numera 21:34 - Iaai Bible 1901 (New Caledonia)

³⁴ Ke Iehova ame ha kö Mose, ka habe, U me ca he ka outen e: anyin a oge me hna e ka hnyi hnyamâm, me lakeiny hia me iny hnyei; ke u me he ka ânyâ kâu helâ me hnâm hna ânyâ kö Sihona tuhan at Amora, waleji ame laba hnyi Hesebona.

Numera 21:34 Iomraidhean Croise

II. Samuela 5:19

Haba Davita ame hnö unyi Iehova, ka habe, Hawa, oge me he ka tot ka at Filisiti? u me he ka hnʼ ödrin ka hnyi hnyamok? Haingö Iehova kö Davita, ka habe, He thö: anyin oge me he ka ti hna at Filisiti ka hnyi hnyamâm.

I. Je Than 20:13

Ke wâ bi, ame o but ke perofeta kö Ahaba than Isaraela me ha, ka habe, walang hna ha hnö Iehova, ka habe, Hawa, u je wâ but köien at ang? wâ bi, oge me he ka hna e ka hnyi hnyamâm hnyi bong ang; ke u me he ka wâhmakhmeto a inya Iehova.

I. Je Than 20:28

Ke ame o but ke aten Khong me ha ka than Isaraela, ka habe, Walang hna ha hnö Iehova, ka habe, Anyin ame ha at Suria, ka habe, haba Iehova me Khongon je hnyei ae hut, ke ca Khongon je hnyigöulen bucen, awe, oge me he ka hna köien at ang hia ka hnyi hnyamâm, mʼ öbun e he ka wâhmakhmeto a inya Iehova.

II. Je Than 3:18

Ke ûnyi ae hâhâ e kö Iehova: ke e ame he bi ka hna tavat Moaba ka hnyi hnyamöbun.

Isaia 41:13

Anyin a inya Iehova Khongom oge me he ka kat benyâm a metâm, me ba köu, ka habe, Ca ot; oge me he bi nya ka hadruo u.

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Numera 32:4

wale hnyei Iehova ame kot hnyi hnyimakan ûkhacaköu anyin at Isaraela, me, wale hnyei ae ûcû hobi kâu omeno, ke ohmun tavat tren omeno a lathnyabaem.

Deuteronomi 2:30

Ke e höcö Sihona than Hesebona he ka hnʼ ota ka gethen unyin: anyin a Iehova Khongom ame okhötâ hnyekon, me ohwegiâ hnyekon, me me he ka hna e ka hnyi hnyamâm, a helâe hnyi bong ang.

Deuteronomi 20:3

me ha ködra, ka habe, Isaraela lö, long ju, öbun e he ka vat hnyi bong ang me je iwahnaihmiony möbun; ca hlohlo bi je hnyekubun; ca ot me öbubunv, ke ca he öbun ka ot gadra;

Deuteronomi 3:1

ME ate me khenyi me he hnyi gethen ûhenyʼ Basana: me ame o but Oga than Basana ûcûta, a e me lakeiny he ka vat hnyi Ederei.

Deuteronomi 3:11

(Anyin a haba Oga thaniny Basana, me hake e thibi kolon at Refai; wâ bi, haba hnen hna mokut, me fao; hawa ca e hnyi Raba taun anyin laku Amona? haba ibeûen e me nain ta kubit, ke foa kubit ûlauen, hoton kubitiny at.)

Deuteronomi 31:6

Hwege thʼ öbun me hnyok baga but, ca ot bi, ke ca öbubuny bi gadra: anyin a Iehova Khongom me e at ame tha he möu; e ame ca he ka hia unyâm, me hna degeci u.

Deuteronomi 7:17

U je ne ha hnyi hnyekom, ka habe, E gan je hnyei eling huk, kʼ oge ma kâmâu ka he ka hnyi hnödra!

Deuteronomi 7:18

awe, u me ca he ka outʼ ödra: ke u ma he ka ûnykûme wia ta je ûnyi waleji a ânyâ Iehova Khongom kö Farao me at Aigupito hia;

Deuteronomi 7:21

U ma ca he ka outʼ ödra, anyin a e bi unyâm Iehova Khongom, Khong ae gan me hnân outen.

Deuteronomi 7:24

Ke e ame he ka hna anyidra je than ka hnyi hnyamâm, ke u ma he ka ohia je iödrin eang hmeledrany: e ba at ae khana he ka tot hnyi hnyimâkâm, ke ne o but u je hia but ohiʼ ödra.

Josua 10:25

Ke haingö Josua ködra, ka habe, Ca ot bi, ke ca öbubuny; hwege thö me hnyok baga but öbun; anyin ame he Iehova ka ânyâ helâe ka je iwahnaihmiöny hia thithö möbun tavat öbun e vat mödrin.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 8:7

ke öbun e he ka utut ûnyi hnyi hna khöu mokut, me hûgûnâ taun: anyin ame he Iehova Khongubun ka hna e ka hnyi hnyamöbun.

Owisa 11:30

Ke haba Jefetha ame bi khöbi kö Iehova, ka habe, U je ne he ka hna laku Amona ka huyi hnyamök,

I. Samuela 23:4

Ke Davita ame hnö hmetu unyi Iehova. Ke Iehova ame thu kâu, me ha, ka habe, Todrö, he thö Keila ai; anyin oge me he ka hna at Filisiti ka hnyi hnyamâm.