Numera 21:25 - Iaai Bible 1901 (New Caledonia)

²⁵ Ke haba at Isaraela adre me hûgûnâ ta je taun eling: ke Isaraela ame labā je taun; anyin at Amora, hnyi Hesebona, me ta je tauniny hia.

Numera 21:25 Iomraidhean Croise

Khumöng Hwanyi Solomona. 7:4

E ûcû nyem me uma ae beû goranyai a nyon elefan; E ûcû li emâkâm me li köiöiny Hesebona, hnyi homagöuliny Bathe-rabim; E ûcû hnyingoiâm me tap ae beû göranyai e Lebanona, Wale a cicö Damaseko.

Isaia 15:4

Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Jeremia 48:2

E ba but hmetu hna ogânâ Moab: kʼ adre hia but penapena okongon hobi kâu bi hnyi Hesebona, haingodra, ka habe, Ate me he ka subâ degecâ e me me ca hnyei hmetu bi. Ke haba u Mademena lö, adre me he minya ka ohnyibû u; kʼ ame he hele vat ka hnu u.

Jeremia 48:34

Hwân hnyi Hesebona ke ne o but hnyi Eleala, me Jahaza, adre hia but hongot goranyai, ke hwân hnyi Zoara ke ne o but Horonaim ke ne o but hnyi Egelath-selisia, anyin ame he ka hme je aniny Nimera minya.

Jeremia 48:45

Haba tavat adre kec adre me tot hnyi hmenu Hesebona ke ba tang hwegiödra: anyin ame he but meic ûheny Hesebona, me bâhlân meic ûnyi hnyi hnyin Sihona, me ame an baten wainy Moaba, me wanben ban tavat adre me imonumonu.

Ezekiela 16:46

Ke haba tuhâm Samaria, e me je lakon adre me laba hnyi ke keihen a men: ke haba kem a wakeiat at ame laba hnyi ke keihen a metâm, jia Sodoma me lakon wahlu.

Ezekiela 16:49

Wâ bi, walang hulo anyi Sodoma a liamekeiny möu; haba eû hnyin e me lakon wahlu, bi gan, me gan hmâ jeû, me laba monu me sot; ke e ame ca hadruâ je hna ovecâ me tavat theduoc.

Ezekiela 16:53

Ke oge me he ka ohmetu ödra tavat bâ, at Sodoma tavat bâ me je lakon wahlu, me at Samaria tavat bâ me lakudra wahlu, me je bâ unyidra:

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Numera 21:26

Anyin a Hesebona, me, wale taun anyi Sihona thaniny at Amora, waleji at ame vat me ke than Moaba ehac, me hûgûnâ iny hnyei hia, ke ne o but: Arenona.

Numera 21:31

Me haba Isaraela ame labā hnyei iny at Amora.

Numera 32:3

Haba hnyei Atarotha, me Dibona, me Jazera, me Nimera, me Hesebona, me Eleala, me Sebama, me Nebo, me Beona,

Deuteronomi 2:12

Ke haba at Hori adre me labā Seira ehac, kʼ ame hwöhwabödra hnen laku Esau; a ohiʼ ödra hnyi hnyimaködra me labā bi hwabödra: helâ me hna ânyâ hnen at Isaraela hnyi hnyei a idra, waleji Iehova ame ham ködra.)

Josua 24:8

Me oge me hum öbun ka hnyi hnyei iny at Amora, tavat adre me laba hoton Joridano; ke ödrin e vat möbun; me oge me hnʼ ödrin ka hnyi hnyamöbun, me öbun e hom idrin hnyei; ke oge me ohiʼ ödrin hnyi hnyimaköbun.

Owisa 11:26

Ke ame tiga laba Isaraela ehac hnyi Hesebona me je tauniny, me Aroera me je tauniny, me ta je taun hia thithö hnyi hnyigöulen Arenona hnyi je huna a theri haded; me ieû gabun öbun e ca hûgûnâ e hnyi ûen eling?