24 Ke Isaraela ame kot e ge hele vat, me hûgûnâ iny hnyei hwân Arenona ke ne o but Jaboka, a ke ne o but je laku Amona: anyin ae hwege hnyigöulen je laku Amona.
Ke u je ham ködrin je dokhu, me je hnyei, waleji u je khenâ hoton je jekhöûdrin: me ödrin e hu hnyei i Sihona, me hnyei iny than Hesebona, me hnyei i Oga than Basana.
Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.
Ke ûhedra e me adre me hunuma hoton Arenona, wale hnyi hnyebuba gethen ame o ûnyi hnyi hnyei iny at Amora: anyin a Arenona me hnyigöulen Moaba, wanben Moaba me hnyei Amora.
Ke oge me ham ka at Reubena me Gada, hwân Gileada ke ne o but hnyi hnyigöulen bucen e Arenona, a hnyi wanben e, me baten: ke ne o but hnyi wagewe Jaboka, wale hnyigöulen laku Amona:
hnyi hoton Joridano, hnyi hnyigöulen bucen cicö Bethe-peora, hnyi hnyei i Sihona thaniny at Amora, at ame laba e Hesebona, waleji ame kot hnö Mose me lakon Isaraela, ödra ka o but ûheny Aigupito:
me dok bu hia dökhu Oga hnyi Basana, at ame musi hnyi Aseterotha, me Ederei (wale ke je kolon tavat ao beû); anyin a Mose ame kuc ödrin me obʼ ödrin dut.
Me oge me hum öbun ka hnyi hnyei iny at Amora, tavat adre me laba hoton Joridano; ke ödrin e vat möbun; me oge me hnʼ ödrin ka hnyi hnyamöbun, me öbun e hom idrin hnyei; ke oge me ohiʼ ödrin hnyi hnyimaköbun.
Haba thaniny laku Amona ame thu ka je metâ anyi Jefetha, ka habe, Anyin a at Isaraela ödrin e hûgûnâ ik hnyei, hnyi ûhedrin jem ûheny Aigupito, hwân hnyi Arerona ke ne o but Jaboka, me Joridano: ke walang ang ham hmetu thö e hnyi ûsoköu.
Ke haingödrin ka habe, Ie tribu unyin je tribu Isaraela a ca hnyi he Mizepa ai kö Iehova? Ke wâ bi, ame ca o ke at ka hnyi hna hunuma ûheny Jabese-gileada ka hnyi ûkhacaköu.