Numera 21:23 - Iaai Bible 1901 (New Caledonia)

²³ Ke haba Sihona ame ca hna at Isaraela ka he hnyi wanben iny hnyei: ke so bi Sihona ame ûkhacaköuâ lakeiny hia, kʼ ame he hnyebuba ai he ka tet metâ ka at Isaraela, kʼ ame o hnyi Jahaza, me ame vat me at Isaraela.

Numera 21:23 Iomraidhean Croise

Isaia 15:4

Ke Hesebona ame kuku, me Eleala; kʼ adre me long hodra ke ne o but hnyi Jahaza: anyin a wale haba vat anyi Moaba adre me hongot goranyai; kʼ ame öbubuny je hnyekudra.

Jeremia 48:21

Ke ame o but hna owisa ka hnyi hnyei ae tha hon; ka hnyi Holon, me Jahaza, me Mefath;

Jeremia 48:34

Hwân hnyi Hesebona ke ne o but hnyi Eleala, me Jahaza, adre hia but hongot goranyai, ke hwân hnyi Zoara ke ne o but Horonaim ke ne o but hnyi Egelath-selisia, anyin ame he ka hme je aniny Nimera minya.

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Numera 20:18

Ke Edoma ame thu kâu, ka habe, U me ca he ka gethen eang unyik, wâ oge nye oâ köu hele vat.

Numera 20:21

Ke höcö Edoma he ka hna Isaraela ka he hnyi iny: me me saû thö Isaraela gan.

Deuteronomi 4:46

hnyi hoton Joridano, hnyi hnyigöulen bucen cicö Bethe-peora, hnyi hnyei i Sihona thaniny at Amora, at ame laba e Hesebona, waleji ame kot hnö Mose me lakon Isaraela, ödra ka o but ûheny Aigupito:

Josua 13:18

me Jahaza, me Kademotha, me Mefat;

Owisa 11:20

Ke haba Sihona ame ca kap ho Isaraela he ka vheno hnyi iny hnyei: ke Sihona ame ûkhacaköuâ lakeiny hia, me hunuma hnyi Jahaza, me vat me Isaraela.