Numera 21:16 - Iaai Bible 1901 (New Caledonia)

¹⁶ Ke ûhedra e me adre me he Bere ai: an eling, waleji Iehova ame ha kö Mose, ka habe, Ûkhacaköuâ thö könya tavat mʼ oge me he ka habelidra.

Numera 21:16 Iomraidhean Croise

Genese 21:19

Ke Khong ame obwela li emakan, me e ame wâ an, me e ame he but me öunöngötâ kaia, me habelen da.

Esodo 17:6

Wâ bi oge me be ka tot hnyi hnyimâkâm wale hon bân kic hnyi Horeba; ke u me he ka kot kic me me hingölö but köiö ûnyi hnyin. Ke haba Mose ame ânyâ e hnyi hnyimakan wahingatiny at Isaraela.

Isaia 12:3

Anyin a wale öbun e he ka se köiö me senyin ûnyi hnyi je pupuainy möt.

Isaia 15:8

Anyin ame hia but hwan tenge he igigilo je hnyigöulen Moaba; me anyin kuku tenge ke ne o but Egelaim, me anyin kuku tenge ke ne o but Beer-elima.

Isaia 43:20

Ke ame he ka oganö nya hnen je menoiny hnyot, je luko me je iaena: anyin oge me oâ köiö hnyi hnyebuba, me je wagewe hnyi dok ae hnyei baga, he ka habelen lakeik waleji oge ûca:

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Numera 20:8

Hom dö uci, ke ûkhacaköuâ tavat, a u, me Arona liamekeiny möu, ke öbu me he ka fuc ka kic hnyi hnyimaködra, me ame he ka ham köien; ke u me he ka oâ köiö ûnyi hnyi kic hobi ködra: ke u me he ka habelen ûkhacaköu, me haledra omeno.

Numera 33:46

Ke ûhedra Dibona-gada, me adre me hunuma Alemona-debelathaima.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

Owisa 9:21

Ke Jotham ame wadring dö me kec, me he Bere ai me laba eling, ame outö Abimelek a liamekeiny mē.