Numera 20:21 - Iaai Bible 1901 (New Caledonia)

²¹ Ke höcö Edoma he ka hna Isaraela ka he hnyi iny: me me saû thö Isaraela gan.

Numera 20:21 Iomraidhean Croise

II. Man Ûlabainy Je Than. 20:10

Ke walang ang wâ ju lakon Amona, me Moaba, me bucen Seira, waleji u je ca hna at Isaraela he ka vat mödrin, hnyi ioidrin ûheny Aigupito, ke so bi ödrin e hwio ûheny unyidrin, me ca ohiʼ ödrin;

Numera 21:23

Ke haba Sihona ame ca hna at Isaraela ka he hnyi wanben iny hnyei: ke so bi Sihona ame ûkhacaköuâ lakeiny hia, kʼ ame he hnyebuba ai he ka tet metâ ka at Isaraela, kʼ ame o hnyi Jahaza, me ame vat me at Isaraela.

Numera 21:4

Ke adre me he ûhedra hnyi bucen Hora, getheniny Köiö ae Dra, igigilö hnyei Edoma: ke ame vec hnyekon tavat can gethen.

Deuteronomi 2:27

Iny be wek he ka he hnyi wanben em hnyei: ke oge me he ka he hnyi hna cit gethen, kʼ oge me ca he ka saû ka hnyi ke keihen metâ me me.

Deuteronomi 2:29

helâ me hna ânyâ könya hnen laku Esau adre me labā Seira, me at Moaba adre me labā Aro; me inye he ka hanyâûâ Joridano ka hnyi hnyei waleji a ham kohmun hnö Iehova Khonguhmun.

Deuteronomi 23:7

U me ca he ka hûkötiâ at Edoma, anyin a e liamekeiny mou: u me ca he ka hûkötiâ at Aigupito anyin a u je laba kanyua hnyi iny hnyei.

Owisa 11:17

me ame kunâ je metâ at Isaraela ka thaniny Edoma, ka habe, Ö u hnö nya but he ka vheno em hnyei: ke ame ca long bi than Edoma. Ke helâe minya adre me ûkhûnöng ka than Moaba: me e ame höcö bi: ke Isaraela ame laba hnyi Kadesi.

Owisa 11:18

Ke e ame vheno hnyebuba, me igigilo hnyei Edoma, me hnyei Moaba, me he hnyi ke keihen e deiö hnyei Moaba, me hunuma hnyi ke keihen Arenona; ke ödrin e ca o hnyi hnyigöulen Moaba, anyin a Arenona hnyigot me Moaba ehac.

Owisa 11:24

Hawa, u me ca he ka labā hnyei a ham köu he ka labā ga Kemosa a khongom? Me haba ohmun, me ohmun e he ka hom iny tavat hia waleji a obâ Iehova Khonguhmun hnyi hnyimaköhmun.