Numera 20:11 - Iaai Bible 1901 (New Caledonia)

¹¹ Ke Mose ame inâ hnyamen goranyai, me olo kot kic ge uci: kʼ ame patrutrua köiö ae gan, me ame ic ûkhacaköu me haledra omeno.

Numera 20:11 Iomraidhean Croise

I. Man Ûlabainy Je Than. 15:13

Anyin a öbun e ca hom e hnyi hwân, haba Iehova Khongutin ame gâ but kötin, anyin a otin e ca hnö e hoton hnanyibu.

I. Man Ûlabainy Je Than. 15:2

Ke haingö Davita, ka habe, Ca hamen ke at he ka vadren tang tangen Khong, ke so thibi at Levi: anyin a Iehova ame hia but ucʼ ödrin he ka vadren tang tangen Khong, me huliwa kâu nyiele balua.

Salamo 105:41

E ame khong ut kic, me ame badedö but köiö; Me di ka hnyi je dok ae atgec helâ me wagewe.

Salamo 114:8

Waleji at ame wia kic me me an, Me oût me me hna pupua hnen je köiö.

Salamo 74:15

U je khenâ luâ pupua me wadutö: U je ohmö ta je wagewe ae gan hmâ.

Salamo 78:15

E ame thö luâ je kic hnyi hnyebuba, Me habelidra helâke me ûnyi hnyi je dok ae dit.

Salamo 78:16

E ame oâ minya ûnyi hnyi kic je wadutö ame hingölö Me hingâlâ köiö helâ me je wagewe.

Salamo 78:20

Me wâ bi, e ame kot kic, me ame hingölö but köiö, Ame bahihingölö ta je wadutö; Ke hawa, e khana he ka ham jeû minya? Hawa, e ame he ka penapena utiö hobi kâu lakeiny?

Esodo 17:6

Wâ bi oge me be ka tot hnyi hnyimâkâm wale hon bân kic hnyi Horeba; ke u me he ka kot kic me me hingölö but köiö ûnyi hnyin. Ke haba Mose ame ânyâ e hnyi hnyimakan wahingatiny at Isaraela.

Isaia 43:19

Wâ bi, oge me he ka ânyâ ûnyi a teb ûnyi; kʼ ame he ka kû walang ang; ame ca he ka khanʼ öbun e? Oge me he ka bi gethen hnyi hnyebuba, me bi wagewe hnyi hnyei baga.

Isaia 48:21

Ke adre me ca beic hnyi ûen e ame su ödra hnyi hnyebuba: e ame oi köiö ûnyi hnyi kic hobi kodra: kʼ ame so kic me ame patrutrua but köiö.

Hosea 13:5

E khanö nya u ehac hnyi hnyebuba, hnyi hnyei ae hwahwacit.

Levitiko 10:1

KE haba Nadaba me Abiu, li laku Arona, ödru me ve hom anyidru li taben meic, me hû meic hnyin, me ip ûnyi ae bo so hon, me hudo meic ae ke bongon bi hnyi hnyimakö Iehova, waleji e ame ca hûna ködrin.

Numera 20:8

Hom dö uci, ke ûkhacaköuâ tavat, a u, me Arona liamekeiny möu, ke öbu me he ka fuc ka kic hnyi hnyimaködra, me ame he ka ham köien; ke u me he ka oâ köiö ûnyi hnyi kic hobi ködra: ke u me he ka habelen ûkhacaköu, me haledra omeno.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

I. Korinito 10:4

ke ödra hia adre me tha ijem belen hanu: anyin adre me ic ûnyi hnyi kiciny hanu ame ûhnûhnû: haba kic eling, me Keriso.

Deuteronomi 8:15

at ame lili u tilö u hnyi wanben hnyebuba ae gan me hnân outen, dok ae hu on hnyin ae kahwa, me je sekopio, dok ae mada me ba köien; at ame oâ köu köiö ûnyi hnyi kic a oût;

Iakobo 1:20

anyin a ca hnân he ka okûâ hwakecin ae wisa anyin Khong, hmonyin anyin at.

Owisa 15:19

Me haba Khong ame kia thop a e hnyi Lehi, me ame o köiö ûnyi hnyin: ke e ame ic me ame o hmetu hanon me me möt bi: anyin a wale adre hwenyi ien e me Eni-hakore, ke e hnyi Lehi ke ne o but hnyi bong ang.

I. Samuela 15:19

Ke ieû gam a u je ca long hofuc ho Iehova, ke u je gâ he ka hom ta je hna hûgûnâ, me ânyâ ûnyi ae kong hnyi hnyimakö Iehova?

I. Samuela 15:24

Ke Saulo ame ha kö Samuela, ka habe, Oge hia but ânyâ hulö: anyin oge hia but hanyâûâ hna hûna hnö Iehova, me hwâm hofuc: anyin oge outen tavat, me löng hodrin.