Numera 19:3 - Iaai Bible 1901 (New Caledonia)

³ ke öbun e he ka ham e kö Eleazara at bihut, me hamen he ka lelö e ka hnyi hoton hnyaba, ke hamen ke at he ka hlingâ e hnyi hnyimakan:

Numera 19:3 Iomraidhean Croise

Levitiko 16:27

Ke haba bolok hnân hudiny hulö, me got hnân hudiny hulö waleji adre hom drödru ka hnyi dok ae kap, me me bi hwaban möt, adre me be ka hom ka hnyi hoton hnyaba; ke adre me he ka le degecâ ge meic li unödru me unyidru me tidru.

Levitiko 24:14

Hom but at waleji a ûhangö hoton hnyaba ai; ke hamödrin hnyat odrin e löng he ka ip je hnyamödrin bon ban, kʼ ame he ûkhacaköu hia ka lûâ e ge veto.

Levitiko 4:11

Ke haba unen bolok, me utiöiny hia, me ban, me je can, me tang tiny, me ta tet,

Levitiko 4:12

wale bolok hia thithö e ame he ka hom hoton hnyaba ka hnyi dok ae so, wale adre labö hingölö dröu hnyin, ke adre me he ka le e ge meic: adre me he ka thong hnyi dok adre me labö hingölö dröu hnyin.

Levitiko 4:21

Ke e ame he ka hom bolok ka hnyi hoton hnyaba, me le, helâ me hnen hna le bolok a bân: haba ûnyi e, me hudiny hulö hobi kâu ûkhacaköu.

Numera 15:36

Me haba ûkhacaköu hia adre me hom e ka hnyi hoton je hnyaba, me lûâ ge veto, me ame mokcu; helâ me Iehova ame hûna kö Mose.

Numera 19:9

Ke hamen ke at ae bo so he ka aoc hnabadröuiny kau, me ip hoton hnyaba hnyi dok ae so, kʼ adre me he ka tuö ûnyi eling hnân hobi kâu ûkhacaköu anyin lakon Isaraela me hnân köien okabâ: wale hudiny hulö.

Numera 3:4

Ke ame mokcu Nadaba me Abiu hnyi hnyimakö Iehova, hnyi hnödru hna hudo meic ae ke bongon hnyi hnyimakö Iehova, hnyi hnyebuba Sinai, ke ba nökudru: ke Eleazara me Ithamara ödru me labö bi hut hnyi hnyimakan kamödru.

Numera 5:2

Hûna ju ka lakon Isaraela inʼ adre me he ka kunâ ka hnyi hoton je hnyaba ta je lepera hia thithö, me tavat hia ame hingölö, me tavat adre me bo kong ûnyi ge komok: