Numera 19:19 - Iaai Bible 1901 (New Caledonia)

¹⁹ ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac.

Numera 19:19 Iomraidhean Croise

Genese 2:2

Ke haba hnyi bong a seveniny Khong ame oumo anyin ta je huliwa waleji e ame ânyâ.

Esodo 19:10

Ke Iehova ame ha kö Mose, ka habe, He thö ka tavat, me okabi odra hnyi bong ang, me bong nyi, kʼ adre me he ka hneû anyidra je ûkhaû:

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Levitiko 14:7

ke e ame he ka oseven dukâiâ at adre obosoâ ûnyi hnyi lepera, me hai bosoâ, me hna meno ae möt ka hnyi hnyei.

Levitiko 14:9

Ke hnyi bong a seveniny e ame he ka giâ hia leûnen ban, me wainy, me hon li bademakan, e ame he ka giâ leûnen hia: ke e ame he ka hneû hia anyin je ûkhaû, me osûâ unyin ge köiö, ke e ame he ka bo so.

Numera 19:12

ke ame he at eling ka obosoâ e hnyi bong a kuniny ge ûnyi e, ke e ame he ka bo so, hnyi bong a seveniny: ke ame ne ca obosoâ e bi hnyi bong a kuniny, me e ame ca he ka bo so hnyi bong a seveniny.

Numera 19:13

Ke haba at ame kâlâ komok, kʼ ame ca obosoâ e bi, me e ame okongoâ uma mano umo Iehova; kʼ adre me he ka subâ degecâ at eling unyin at Isaraela: anyin adre ca dukâiâ e hnen köien okabâ, e bo kong ut e; ke e bi unyin anyin bo kong.

Numera 19:18

kʼ ame he ke at ae bo so ka hom thi hisop, me hneû hnyi köiö eling, me dukâiâ uma, me je utkaia hia, me hnyat hia eiö hnyin, me at minya a kâlâ jeien at, ame ne at adre hlingâ, ame ne komok, ame ne erkemok:

Numera 31:19

Ke öbun e he ka hunuma hoton hna hunuma hnyi seven ta bong; a je hnyat unyibun adre hia but hlingâ at, me hnyat unyibun adre hia but kâlâ komok, me obosoi öbun bi me anyibun je bâ hnyi bong a kuniny me bong a seveniny.

Numera 31:24

Ke öbun e he ka hneû anyibun je ûkhaû hnyi bong a seveniny, mʼ öbun e bo so, ke hwaban e me öbun e he ka dit ka hnyi hna hunuma.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

Juda 1:23

ke omelö thö keihen, me lili ödra ju ûnyi hnyi meic; ke betenge ju ka keihen me ot, ke ikikiâ thö ûkhaû ame okongoâ hnen unyin.