Numera 19:13 - Iaai Bible 1901 (New Caledonia)

¹³ Ke haba at ame kâlâ komok, kʼ ame ca obosoâ e bi, me e ame okongoâ uma mano umo Iehova; kʼ adre me he ka subâ degecâ at eling unyin at Isaraela: anyin adre ca dukâiâ e hnen köien okabâ, e bo kong ut e; ke e bi unyin anyin bo kong.

Numera 19:13 Iomraidhean Croise

Esodo 30:33

Ke haba at ame he ka ûhaniken ûnyi helâe, me ip hanen hon ke atkanyua, me adre me he ka ohia at e ûnyi hnyi iny hnyei.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Ezekiela 44:26

Ke ödra ka hia but obosoâ e, me adre me he ka aû kâu seven ta bong.

Levitiko 15:31

Helâe öbu me he ka hake ip lakon Isaraela ûnyi hnyi anyidra bo kong; wâ ödra nye mokcu hnyi bokongidra; ödra ka he ka obokongoâ umök uma mano a e hnyi wanbödra.

Levitiko 20:3

Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 22:3

Ha thö ködrin, ka habe, Haba at hnyi mâtrânibun hia hnyi anyibun ta je dö ame hakekenyâ ta je ûnyi ae kap, wale hnen lakon Isaraela hna okabâ kö Iehova, kʼ ame bo kong ut, me adre me he ka subâ degecâ at eling hnyi hnyimakök: Inya Iehova.

Levitiko 22:4

Ame ne lepera ke at hnyi mâtrâni Arona, ame ne hingölö dân unyin; me e ame ca he ka hnyi han je ûnyi ae kap, ke ne o but e ame bo so bi. Ke ame ne hu ke at ame kâlâ ke ûnyi ae bo kong hnen unyin ae mok, ke ame ne at ame hingölö sin unyin;

Levitiko 5:17

Ke ame ne ke at ame ânyâ hulö me ânyâ ke je unyi hnyi ta je ûnyi a hûna hnö Iehova a gʼ adre me ca he ka ânyâ; kʼ ame ne ca khana e, me ame hulö but, kʼ ame he ka takoû e anyin hulö.

Levitiko 5:3

ke ame ne kâlâ bokonginy at, a ta je ûnyi hia ae ikiki ame obokongoâ, ke iyong e kâu; haba hnyi ûen a e khana e, me e at hulö:

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 7:20

ke haba at ame han utiöiny hudiny ole wale a anyi Iehova, ke e at ae bo kong, me adre me he ka subâ degecâ at eling ûnyi hnyi iny hnyei.

Levitiko 7:21

Ke haba at ame kâlâ ûnyi ae bo kong, ame ne bo konginy at, ame ne bo konginy meno, ame ne ke ûnyi bi ae ikiki ae bo kong, me han utiöiny hudiny ole, wale a anyi Iehova, me adre me he ka subâ degecâ at eling ûnyi hnyi iny hnyei.

Numera 15:30

Ke haba at ame ânyâ sheshamökâ ke ûnyi, ame ne aten hnyei ame ne atkanyua, me wale at ame bi gan kö Iehova; ke adre me he ka subâ degecâ at eling ûnyi hnyi iny hnyei.

Numera 19:14

Ke walang hnanyibu e, ka mokcu ke at eiö hnyin ke uma mano: haba hnyat hia ödrin e dit ka hnyin uma, me hnyat hia eiö hnyin uma, me ödrin e he ka bo kong hnyi seven ta bong.

Numera 19:18

kʼ ame he ke at ae bo so ka hom thi hisop, me hneû hnyi köiö eling, me dukâiâ uma, me je utkaia hia, me hnyat hia eiö hnyin, me at minya a kâlâ jeien at, ame ne at adre hlingâ, ame ne komok, ame ne erkemok:

Numera 19:19

ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac.

Numera 19:20

Ke haba at ae bo kong, kʼ ame ca he ka obosoâ e bi, me adre me he ka subâ de gecâ at eling ûnyi hnyi ûkhacaköu, anyin a e ame hia but okongoâ dok a kabi Iehova: ke adre ca hia but dukâiâ e ge köien okabâ; e bo kong ut e.

Numera 19:9

Ke hamen ke at ae bo so he ka aoc hnabadröuiny kau, me ip hoton hnyaba hnyi dok ae so, kʼ adre me he ka tuö ûnyi eling hnân hobi kâu ûkhacaköu anyin lakon Isaraela me hnân köien okabâ: wale hudiny hulö.

Numera 8:7

Ke walang hnâm hna he ka ânyâ ködra, mʼ adre me he ka bo so: u ma duköiʼ ödra ge köien obosoâ, kʼ adre me he ka giâ je unyidra hia, me hneû anyidra je ûkhaû, me obosoi ödra.

Numera 9:13

Ke haba at ae bo so, kʼ ame ca hnyi he but, kʼ ame ca hnyi hanen paseka, me adre me he ka subâ degecâ at eling ûnyi hnyi iny hnyei: anyin a e ame ca hom hut kö Iehova hnyi ûen adre thu, kʼ ame he ka takoû at eling hnen anyin hulö.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Heberu 10:29

hawa, öbun e ûnykûme ae ca ûcû bi hwaban ae gan hmâ hon e ka at ame uto hnyikânâi Nokon Khong, me ûnykûme a ûnyi ae ca kap dren ûhihinyköu hnân okabâ e, me okongoâ Hanon ibetengiö baû?

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:11

Haba at ae ca wisa, me ame he bala bi ka ca wisa: ke haba at ae ikiki, me ame he bala bi ka ikiki: ke haba at ae wisa, me ame he bala bi ka ânyâ wisa: ke haba at ae kap, me adre me he bala bi ka okabâ.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.