Numera 19:10 - Iaai Bible 1901 (New Caledonia)

¹⁰ Ke haba at a aoc, hnabadröuiny kau ame he ka hneû anyin je ûkhaû, ke e ame he ka bo kong ke ne o but sahac: ke wale hnanyibu nyiele balua ka lakon Isaraela, me atkanyua ame tha laba unyidra.

Numera 19:10 Iomraidhean Croise

Esodo 12:49

Ame he ka khaca hnanyibu hobi kâu aten hnyei me atkanyua ame laba unyibun.

Levitiko 11:25

ke haba at ame kaptilâ ke ong utiöiny je ûnyi e a mokcu, hamen he ka hneû anyin je ûkhaû me laba bo kong ke ne o but sahac.

Levitiko 14:46

Ke haba at ame didro ka hnyi uma, hnyi je bonginy hia hna hlöng hwanuma, me e ame he ka bo kong ke ne o but sahac.

Levitiko 16:28

Ke hamen at a le degecâ ta je ûnyi e he ka hneû anyin je ûkhaû, me osûâ unyin hnyi köiö, ke hwaban e e ame he ka hmetu ka hnyi hnyaba.

Numera 19:19

ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac.

Numera 19:21

Ke wale hnân hnanyibu ködra nyiele: ke haba at ame dukâiâ köien okabâ ame he ka hneû anyin je ûkhaû; ke haba at ame kâlâ köien okabâ, me, ame he ka bo kong ke ne o but sahac.

Kolose 3:11

ke ba bi unyin at Heleni me at Juda, me tavat adre me peritomonâ me ca peritomonâ, me aten je hnyei, me at Sekuthia, me athnyaba, me at he baû: ke haba Keriso, me ta je ûnyi hia, ke unyin hia.