Numera 18:8 - Iaai Bible 1901 (New Caledonia)

⁸ Ke Iehova ame ha kö Arona, ka habe, Wâ bi, inya oge hia but ham köu hanymen hudiny kap goranyai könya, a wale je ûnyi ae kap hia ge lakon Isaraela, oge hia but ham köu ta je ûnyi e can hnödra hna hû, me hobi kâu lakom hnân hwajekhon nyiele balua.

Numera 18:8 Iomraidhean Croise

II. Je Than 12:16

Haba moneiny je hudiny hulö, me moneiny je hudiny monu, adre ca hom ka hnyi uma umo Iehova: ke hobi kâu tavat bihut e.

II. Man Ûlabainy Je Than. 31:4

Ke haba khaca e ame hûna ka tavat adre me laba hnyi Jerusalema he ka ham jekhon tavat bihut me at Levi, mʼ ödrin e he ka hwege hnyi hnanyibu anyi Iehova.

II. Man Ûlabainy Je Than. 31:5

Ke ame hap o ju ehele hnanyibu, me haba lakon Isaraela ödrin e ham gânâ je wan hwit a bân, me waina, we wakaco, me hani, me troban kânâ hia thithö; ke ödrin e hom gânâ a je ke keihen a libenyitainy ta je ûnyi hia.

Esodo 28:43

kʼ ame he Arona ka khavâ e me je lakon, odrin ka he ka didrö ka hnyin umâ ûkhacaköu, me hakekenyâ taben hut he ka huliwa hnyi dok ae kap; me me ca hu jönidrin mʼ odrin e mokcu; wale hnanyibu nyiele balua hobi kâu me je mâtrâniny a hwaban.

Esodo 29:21

Ke u me he ka hom ke keihen dra ûnyi hnyi hon taben hut, me wakaco hnân hû, me duköic Arona, me je ûkhaûen, me je lakon, me je khaûen lakon unyin: ke adre me he ka okabâ, me je ûkhaûen me je ûkhaûen lakon unyin.

Esodo 29:28

ke wale jekhö Arona me lakon unyin lakon Isaraela nyiele balua: anyin a e hut adre kap goranyai: ke ame he ka hnân hut adre kap goranyai unyin lakon Isaraela ûnyi hnyi anyidrin je hudiny ûsoköu, wale anyidra hut adre kap goranyai kö Iehova.

Esodo 29:29

Ke haba je ûkhaû ae kap anyi Arona ame he ka hnân hobi kâu biju lakon hwaban, hnân hû me otilʼ ödrin hnyin.

Esodo 40:13

Ke u me he ka khaûö Arona ge je ûkhaû ae kap; me u me he ka hû e, me okabâ, me me at bihut könya.

Esodo 40:15

ke u me he ka hû odrin helâ me hnâm hna hû kamödrin, mʼ odrin e je at bihut könya: ke haba hna hû ödrin, me waleling me me hnyat bihut nyiele balua hnyi anyidrin ta je dö hia.

Isaia 10:27

Ke hnyi bong eling adre me he ka hom honen hok ûnyi hnyi hon bajebenyâm, me anyin bi hna ûhûkâlâköuâ ûnyi hnyi hon nyem, ke adre me he ka ohia hna ûhûkâlâköuâ, can wakaco hnân hû.

Levitiko 21:10

Ke haba at bihut ae nua unyin je liamekeiny mē, wale adre hingâlâ wakaco hnân hû hon ban, kʼ adre otilâ he ka khavâ je ûkhaû, me e ame ca he ka oûheâ ban, me kia anyin je ûkhaû;

Levitiko 23:20

Ke ame he at bihut ka tha hajijingâ ta je ûnyi e me li areto a bân hnân hudiny hajijing hnyi hnyimakö Iehova, me li mamoe: e kap ta je ûnyi e kö Iehova ke hobi kâu at bihut.

Levitiko 6:16

Ke haba kolon, ame he Arona me lakon he ka an: odrin e he ka han e, adre ca levenâ, hnyi ke dok ae kap; odrin e he ka han e hnyi haginy uma ûkhacaköu.

Levitiko 6:18

Ame he lakon baga a laku Arona hia ka hnyi han e, wale ke hwajekhon nyiele balua hnyi anyibun ta je dö, ûnyi hnyi je hut a an ge meic kö Iehova: odrin e he ka kap hia tavat odrin e kâlâ.

Levitiko 6:20

Walang hut anyi Arona me je lakon odrin e he ka hudo kö Iehova hnyi bong adre me he ka hû e; khaca omer salawa hnân hudiny han nyiele balua, haf hnyi hnyomakatu, ke ke haf hnyi sahac.

Levitiko 6:26

Haba at bihut, wale at a hudo e hnân hulö, ame he ka han e: adre me he ka an e hnyi dok ae kap hnyi haginy uma ûkhacaköu.

Levitiko 7:14

Ke haba khaca hut hnyi je hut hia, me ame he ka hudo hnân hut adre kap goranyai kö Iehova: ke haba at bihut at ame dukâiâ dren je hudiny ole, me, anyin bi e.

Levitiko 7:28

Ke Iehova ame ha kö Mose, ka habe.

Levitiko 7:6

Ame he obaga hia a hnyat bihut ka an e, adre me he ka an e hnyi dok ae kap; wale ûnyi ae ti kap.

Levitiko 8:30

Ke Mose ame hom wakaco hnân hû, me dra a e hon taben hut, me duköiö Arona me anyin je ûkhaû, me lakon, me je ûkhaû anyin lakon; me okabi Arona, me je ûkhaûen, me lakon, me je ûkhaûen lakon unyin.

Numera 18:9

Walang ânyâm ûnyi hnyi ta je ûnyi ae kap hmönyin, ûnyi hnyi meic: a anyidra je hut hia, me je hudiny hia anyidra han, me je hudiny hia anyidra, hulö, me je hudiny hia anyidra monu, adre me he ka ham könya, wale ae ti kap hobi köu me lakom.

Numera 5:9

Ke haba je hudiny kap goranyai ûnyi hnyi je ûnyi ae kap hia anyin at Isaraela, wale adre labö hom ka at bihut, me wale hnân hobi kâu e.

I. Korinito 9:13

Ke ca khanʼ öbun a haba tavat adre me huliwan ta je ûnyi ae kap, me adre me an ta je ûnyi hnyin uma kap, ke haba tavat adre me bi athnyabainy taben hut, me adre me ve hu hwajekhöûdra me tahen hut?

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Deuteronomi 12:6

ke öbun e he ka hom kâ e anyibun je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun je khöbi, me anyibun je hudiny ibetengiö, me je nokon a bân hnyi halebun je kau me mamoe:

Deuteronomi 18:1

A ME ca he tavat bihut a at Levi unyi Isaraela, a tribu Levi hia ka hu jekhon me hnyei: ke ödrin e he ka han je hut a an ge meic kö Iehova, a jekhon.

Deuteronomi 26:13

ke u me he ka ha hnyi hnyimakö Iehova Khongom, ka habe, Oge hia but hom ta je ûnyi ae kap ûheny hnyi umök uma, ke oge hia but ham e ka at Levi, me atkanyua, me nakahme, me safac, hoton je hna hûna hia, u me hûna könya: oge me ca hanyâûâ ânyâm je hnanyibu hia, ke oge ca hnying e:

Heberu 1:9

U je hia but hnyokâ hwakecin ae wisa, me hociâ hwakecin ae kong; Anyin a wale a hia but hû u hnen Khong, a Khongom, Ge wakacoiny senyin hon ta je lahanâm.

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.