Numera 18:7 - Iaai Bible 1901 (New Caledonia)

⁷ Ke u ma he me lakom a tha ödrin mou ka tuö hanymen a hnöbun hna bi hut ta je ûnyi hia hnyi taben hut, me ta je ûnyi eiö hnyin singiny; ke! öbun e he ka huliwa: Inya oge me ham köbun hanymen at bihut helâ me huliwa adre ham: kʼ adre me he ka hlingâ atkanyua at ame hakekenyâ.

Numera 18:7 Iomraidhean Croise

Salamo 115:10

Lap anyi Arona lö, labageju thʼ öbun kö Iehova: E thibi at ame hadruʼ ödra me becidra.

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Esodo 29:9

Ke u me he ka oweikʼ ödrin ge wen hnyekon, wale Arona me je lakon, ke u me he ka obicʼ ödrin ge je hnabinybak; mʼ ödrin e he ka hnyat bihut, wale hanymodrin hnyi hnanyibu nyiele balua: ke u me he ka okabi Arona me je lakon.

Ezekiela 44:15

Ke haba tavat bihut a at Levi, je laku Zadoka, waleji adre tuö je hanymen hnyi anyik dok ae kap hnyi hna he monu gak hnen lakon Isaraela, me adre me he ka hakekeny könya mʼ adre me huliwa könya; ke adre me he ka tot hnyi hnyimakök he ka hudo könya pipikhenya me dra, haingen Than Iehova;

Ezekiela 44:16

Adre me he ka dit hnyi anyik dok ae kap, ke adre me he ka hakekeny ka hnyi anyik laulau, mʼ adre me huliwa könya, ke adre me he ka tuö hanymen gak.

Ezekiela 44:8

Ke öbun e ca hia but tuö hanymen ge anyik ta je ûnyi ae kap: ke öbun e hia but otilâ tavat tuö anyik huliwa hnyi anyik dok ae kap hobi köbun bi.

Levitiko 16:2

ke Iehova ame ha kö Mose, ka habe, Ha thö kö Arona a tuhâm, a gʼ ame ca he ka dit monu hnyi je ûen hia ka hnyi dok ae kap hoton singiny mano hnyi hnyimakan taben ibetengiö hon tang; wâ e nye mokcu: anyin a oge me he ka manen hnyi ûlâ hon taben ibetengiö.

Levitiko 7:35

Wale hwajekhon Arona, me hwajekhon lakon, ûnyi hnyi je hut a an ge meic ko Iehova, hwân hnyi bong e ame otilʼ ödrin ka hnyi hanymen bi hut kö Iehova;

Numera 1:51

Ke ödra ka he ka hom uma mano, me hamen at Levi he ka ai e: ke ödra ka he ka otilâ uma mano, me hamen at Levi he ka otilâ e: ke adre me he ka hlingâ atkanua at ame hakekenyâ e.

Numera 16:40

me hnân oûnykûmeâ ka lakon Isaraela, me me ca he ka hakekenyâ ge atkanyua a ca hanen je mâtrâni Arona, he ka hudo ûnyi ae bo so kö Iehova; me me ca he ka helâ me Kora me lahien, hoton hofuc ho Iehova kâu a deny Mose.

Numera 18:20

Ke Iehova ame ha kö Arona, ka habe, U me ca he ka hu em hnyi idra hnyei, ke u me ca he ka hu hwajekhom unyidra: inya bi a hwajekhom me em unyin lakon Isaraela.

Numera 18:3

Ke ödrin e he ka tuö hanymâm, me hanymen hia hnyi Uma: ke so bi adre me ca he ka hakekenyâ je utkaiainy dok ae kap, me taben hut, mʼ adre me ca mok, mʼ öbun minya.

Numera 3:10

Ke u me he ka otilö Arona me lakon, ke ödrin e he ka labö tuö hanymen at bihut: ke adre me he ka hlingâ atkanyua at ame hakekenyâ.

Numera 3:38

Ke haba tavat adre me he ka hunuma e deiö hnyi hnyimakan uma ûkhacaköu wale ame o seûno hnyin, me; Mose, me Arona, me je lakon, he ka tuö hanymen hnyi dok ae kap, a hanymen lakon Isaraela; ke adre me he ka hlingâ atkanyua at ame hakekenyâ e.

Mataio 10:8

Omelö thö ta je mok, ke omelö hmetu thö tavat adre me mokcu, ke okhabalavâ but ta je lepera, ke obâ but ta je demoni: öbun e hia but kap baûâ but.

Ioane 3:27

Haba Ioane ame thu kâu, ka habe, E ca khana at he ka kap ke ûnyi, adre ne ca ham bi kâu ûnyi hnyi drany.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Deuteronomi 18:2

Ke ödrin e ca he ka hu hwajeköudrin unyin je liamekeiny mödrin: haba Iehova hwajeköudrin, helâ me hnen hna ha ködrin.

Heberu 5:4

Ke ba at ame hom bâûâ hanymen eling ae meic, ke so thibi at ame hawâ hnen Khong helâ me hna hawo Arona.

Josua 18:7

Anyin ae ba iny at Levi unyibun; anyin a haba hanymen tavat bihut kö Iehova, wale jekhöûdrin: ke haba Gada, me Reubena, me hafiny tribu Manase, ödrin e hia but kap jekhöûdrin hnyi ke keihen e deiö Joridano, wale a ham ködrin Mose athnyabai Iehova.

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

I. Peteru 5:3

ke ca he ka hwen thanâ je hanymöbun, ke so bi hamöbun he ka bi tulut ka hnahat mamoe.

I. Samuela 2:28

Me oge ûca e ûnyi hnyi je tribu hia anyin at Isaraela me me at bihut könya, he ka hudo hon taben hut könya, he ka leû uto ae bo so, he ka khavâ iefoda hnyi hnyimakök? ke hawa, oge ham ka lap anyin lakâmâm ta je hut a an hnen meic ûnyi ge lakon Isaraela?