Numera 18:21 - Iaai Bible 1901 (New Caledonia)

²¹ Ke wâ bi oge me ham ka laku Levi ke keihen a libenyitainy ta je ûnyi hia hnyi Isaraela hnân idra, me hwaban anyidrin huliwa ödrin e ânyâ, wale huliwainy uma ûkhacaköu.

Numera 18:21 Iomraidhean Croise

Genese 14:20

Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia.

Genese 47:24

Ke e ka hwenying ut, öbun e he ka ham kö Farao je ke keihen a thabûnginy, ke haba vak ta ke keihen me hobi köbun, hnân haniny hnyei, me hnân ö ʼbun, me anyibun je lap, me an je wanakat unyibun.

Genese 47:26

Ke Josefa ame otilâ ûnyi eling hnân hnanyibu hnyi hnyei Aigupito ke ne o but hnyi bong ang, ka habe, Hobi kö Farao ta je ke keihen a thabûnginy; ke ca helâe ta hnyei iny tavat bi hut, ca i Farao bi e.

II. Man Ûlabainy Je Than. 31:12

Ke ödrin e odilâ hnyi hnathu je bwihlany, me je ke keihen a libenyitainy, me je hna okabâ: me ame muso ta je ûnyi e hnö Konania at Levi, me Simei liamekeiny më ame ûtangköu më.

Nehemia 10:29

ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

Nehemia 10:37

me otin e he ka hom anyitin je falawa a bân, me anyitin je hut adre kap goranyai me wan haletin je ûö, me waina me wakaco, ka tavat bihut, ka hnyi je hnyeuleny uma umen Khongutin; me je ke keihen a libenyitainy jeûiny könötin kânâ ka at Levi; anyin a haba at Levi ödrin e hom je ke keihen a libenyitainy hnyi ta je taun hia otin e belök hnyin.

Nehemia 10:38

Ke ame he at bihut a mâtrâni Arona ka tha e me at Levi, e ka he at Levi ka hom je ke keihen a libenyitainy: kʼ ame he at Levi ka hom ke keihen a libenyitainy ûnyi hnyi je ke keihen a libenyitainy ka hnyi uma umen Khongutin, ka hnyi je hnyeule ka hnyin uma omjeû.

Nehemia 12:44

Ke adre me otilâ hnyi bong eling tavat hon je hnyeuleny omjeû, me je hut adre kap goranyai, me je wan a bân, me je ke keihen a libenyitainy, mʼ adre me ûkhacaköu kâu ûnyi hnyi je utkânâiny je taun, je jekhoû hoton hnanyibu hobi kâu tavat bihut me at Levi: anyin a at Juda ödrin e senyin ka tavat bihut me at Levi, tavat huliwa.

Nehemia 12:47

Ke haba hnyi ûö Zerubabela, me ûö Nehemia, haba at Isaraela hia ödrin e ham je jekhon tavat khumöng me tavat tuö hwanuma, ke jekhoû hnyi ke bong: ke ödrin e okabâ ta je ûnyi hobi kâu at Levi; ke haba at Levi ödrin e okâbâ hobi kâu laku Arona.

Nehemia 13:12

Me haba at Juda hia ödrin e hom ke keihen a libenyitainy hwit, me waina, me wakaco ka hnyi je uma omjeû.

Nehemia 13:5

me e ame hia but penapena hobi kâu hnyeule ae gan, waleji adre me ip hnyin je hudiny han, me libanu, me je kaia, me je ke keihen a libenyitainy hwit, me waina, me wakaco, waleji adre hunâ hobi kâu at Levi, me at khumöng, me at tuö hwanuma; me je hut adre kap goranyai, hobi kâu tavat bihut.

Malaki 2:4

Ke öbun e he ka wâ a oge me kunâ köbun hna hûna e, me me e unyin at Levi anyik ûhihinyköu, haingö Iehova tuhan sabaoth.

Malaki 3:10

Hom dʼ öbun libenyitainy ae bekhöt ka hnyi uma hnân hip omjeû, me me hu han hnyi umök uma, me cubic nya ju walang ang hnen e, haingö Iehova tuhan sabaoth, oge ne ca he ka khong ut köbun je hlinginy drany, me hingâlâ hubun hnahic, ke ne o but ame ba hnen e.

Numera 18:6

Ke wâ bi, inya oge hia but hom je liamekeiny mou a at Levi ûnyi hnyi wanben lakon Isaraela; adre ham ödra hnân bwihlany kö Iehova hnyi hnyimaköbun, he ka ânyâ huliwa hnyi uma ûkhacaköu.

Numera 3:6

Hom but jem tribu Levi, me ip ödrin hnyi hnyimakö Arona at bihut, mʼ ödrin e he ka huliwa kâu.

Numera 31:28

ke u me he ka hûna he ka bi fat kö Iehova hnen tavat adre hnyi vat: a ûsa khaca ûnyi hnyi je faiv haded, ame ne tavat, ame ne bolok, ame ne asina, ame ne mamoe:

Galatia 6:6

Ke hamen at adre nâ hnyi hofuc he ka ham ta je ûnyi ae so ka at ame nâ.

Deuteronomi 18:8

Kʼ ödrin e he ka hu jekhon ae ûcû unyin keihen, ke ca ha bi hna ûco hobi ködrin je ûnyi hnyi iny lakamen.

Heberu 7:5

Ke haba je mâtrâni Levi, tavat adre me kap hanymen at bihut, me e hu hnanyibu kodra he ka kap je ke keihen a libenyitainy ûnyi ge tavat hoton hnanyibu, wale ûnyi ge je liamekeiny mʼ ödra, ke ûhedra ûnyi hnyin unyi Aberahama: