Numera 18:2 - Iaai Bible 1901 (New Caledonia)

² Ke u me he ka tha oûhakekenyâ je liamekeiny mou, a tribu Levi, a tribuiny lakâmâm, me me tha e bala mou, me huliwa köu: ke hâmâm me lakom a tha ödrin mou he ka huliwa cicö uma ohnatho.

Numera 18:2 Iomraidhean Croise

Genese 29:34

Ke e ame erkin hmetu, me e ame hnokoâ da; me haingen, ka habe, Ame ne ûen dut ang ame he öiök ka tha hnyok mönya, anyin oge hia but hnokoâ kun lakon ta baga: anyin a wale adre hwenyi ien Levi.

II. Man Ûlabainy Je Than. 30:16

Me ödrin e ve tot hnyi je hnödrin helâ me hwakecidrin, hoton hnanyibu anyi Mose aten Khong: ke haba tavat bihut ödrin e dukâiâ ge dra wale adre me kap ûnyi ge at Levi.

Ezekiela 44:11

Ke so bi hamödrin he ka huliwa hnyi anyik dok ae kap, a tavat musi hnyi je homagouleny uma, me bi huliwa eio hnyi uma; ödrin e he ka hlingâ hudiny leû me hut hobi kâu hnyei, ke ödrin e he ka tot hnyi hnyimakan tavat me bi huliwa kodra.

Ezekiela 44:15

Ke haba tavat bihut a at Levi, je laku Zadoka, waleji adre tuö je hanymen hnyi anyik dok ae kap hnyi hna he monu gak hnen lakon Isaraela, me adre me he ka hakekeny könya mʼ adre me huliwa könya; ke adre me he ka tot hnyi hnyimakök he ka hudo könya pipikhenya me dra, haingen Than Iehova;

Malaki 2:4

Ke öbun e he ka wâ a oge me kunâ köbun hna hûna e, me me e unyin at Levi anyik ûhihinyköu, haingö Iehova tuhan sabaoth.

Numera 1:53

Ke ame he at Levi ka ve otilâ umödra je uma mano igigilö uma manoiny ohnatho, me me ca ta hmönyin ka hnyi hon ûkhacakoû anyin lakon Isaraela: ke hamen at Levi he ka tuö uma manoiny ohnatho.

Numera 16:40

me hnân oûnykûmeâ ka lakon Isaraela, me me ca he ka hakekenyâ ge atkanyua a ca hanen je mâtrâni Arona, he ka hudo ûnyi ae bo so kö Iehova; me me ca he ka helâ me Kora me lahien, hoton hofuc ho Iehova kâu a deny Mose.

Numera 17:7

Ke haba Mose ame ip je uci hnyi hnyimakö Iehova hnyi uma ohnatho.

Numera 18:4

Ke adre me he ka tha ödra mou, me tuö hanymen hnyi uma ûkhacaköu, hobi kâu huliwainy Uma: kʼ ame ca he atkanyua ka hakekenyi öbun.

Numera 3:5

Ke haba Iehova ame ha kö Mose, ka habe,

Numera 4:15

Ke e ka hia but tube dok ae kap hnö Arona me lakon, me omjehen dok ae kap hia, anyin ame he ka he but tavat; haba hnyi ûen e me ame he ka o je laku Kohatha he ka sukhöûnâ: ke ca he ödra ka kâlâ ta je ûnyi ae kap, wâ ödra nye mokcu. Wale hanymen laku Kohatha hnyi uma ûkhacaköu.

Numera 8:19

Oge me ham muâ tavat Levi kö Arona me lakon, ûnyi hnyi wanben lakon Isaraela, he ka ânyâ huliwa anyin lakon Isaraela hnyi uma ûkhacaköu, me bi hwaban möt anyin lakon Isaraela: me me ca he ka mok lakon Isaraela, e ka hakekeny lakon Isaraela ka hnyi dok ae kap.

Numera 8:22

Ke hwaban e, haba tavat Levi adre me didrö ka hnyin uma ûkhacaköu he ka hnyi huliwa hnyi hnyimakö Arona me lakon: hoton hna ha hnö Iehova kö Mose ge at Levi, ödra adre me ânyâ helâe ködra.

Heberu 9:6

Ke a hia but penapena helâe ta je ûnyi e, me ame dit bala thö tavat bihut ka hnyi uma menâ a bân, he ka mâdrâ je huliwa;